ప్ర‌స్తుతం ఇండియ‌న్ సినిమాలో బ‌యోపిక్స్ హ‌వా బాగానే న‌డుస్తుంది. ప్ర‌ముఖ రాజ‌కీయ‌, క్రీడా, సినిమా ప్ర‌ముఖుల జీవితాల‌ను సినిమాల రూపంలోకి తెర‌కెక్కిస్తున్నారు. క్రీడా ప్ర‌ముఖుల‌కు సంబంధించిన చూస్తే ఫ్ల‌యింగ్ సిక్ బ‌యోపిక్‌గా బాగ్ మిల్కా బాగ్‌, మేరీ కోమ్‌, స‌చిన్‌, ధోని వంటి బ‌యోపిక్స్‌ రూపొందాయి. కాగా టెన్నిస్ రంగంలో ఇండియాకు పేరు తెచ్చిన పి.వి.సింధు, సైనా నెహ్వాల్ బ‌యోపిక్స్ రూపొందుతున్నాయి. వీరి కంటే ముందు టెన్నిస్ ప‌రంగా మ‌న దేశానికి పేరు తెచ్చింది సానియా మీర్జా. లెటెస్ట్‌గా ఈమె బ‌యోపిక్‌కు రూపొంద‌నుంది. రోనీ స్క్రూ వాలా త‌న బ్యాన‌ర్‌పై సినిమాను నిర్మించ‌నున్నారు. అయితే సినిమా ఇంకా ప్రాథ‌మిక ద‌శ‌లోనే ఉంది. త్వ‌ర‌లోనే కొన్ని వివ‌రాలు తెలియ‌నున్నాయి. సానియా టెన్నిస్ తార‌గా ఎద‌గ‌డం.. పాకిస్థానీ క్రికెట‌ర్‌ను వివాహం చేసుకోవ‌డం.. ఇలాంటివ‌న్నీ ఈ సినిమాలో చూపించ‌బోతున్నార‌ట‌. మ‌రి సానియా మీర్జాగా ఎవ‌రు న‌టిస్తార‌నేది తెలియాలంటే కొన్ని రోజులు ఆగాల్సిందే.