ల‌క్కంటే సంతోష్ శోభ‌న్ దే. చేతిలో సాలీడ్ హిట్ లేక‌పోయినా ఎప్పుడూ ఖాళీగా ఉండ‌డు. పెద్ద పెద్ద బ్యాన‌ర్ల‌లో సినిమాలు చేసేస్తుంటాడు. ప్రభాస్ హోమ్ బ్యాన‌ర్ అయిన యూవీ క్రియేష‌న్ లో సంతోష్ విరివిగా సినిమాలు చేస్తున్నాడు. ‘ఏక్ మినీ క‌థ‌’ ఆ సంస్థ‌లో చేసిన సినిమానే. ఈ సినిమా ఓటీటీలో విడుద‌లై మంచి విజ‌యాన్ని అందుకొంది. ఆ త‌ర‌వాత ‘క‌ల్యాణం క‌మ‌నీయం’ కూడా అదే సంస్థ‌లో చేశాడు. ఇప్పుడు మ‌రోసారి యూవీతో జ‌ట్టు క‌ట్ట‌బోతున్నాడు. ఈ సంస్థ‌లో ముచ్చ‌ట‌గా మూడో సినిమా ఒప్పుకొన్నాడు.

రేపు సంతోష్ శోభ‌న్ పుట్టిన రోజు. ఈ సందర్భంగా యూవీ క్రియేష‌న్స్ ఈ సినిమాకు సంబంధించిన అధికారిక ప్ర‌క‌ట‌న విడుద‌ల చేయ‌బోతోంది. అశ్విన్ ద‌ర్శ‌క‌త్వం వ‌హించ‌నున్నాడు, ఈ సినిమాలో మిస్ ఇండియ మాన‌స వార‌ణాసి క‌థానాయిక‌గా న‌టిస్తోంది. ఇది త‌న‌కు రెండో సినిమా. అశోక్ గ‌ల్లా హీరోగా న‌టిస్తున్న ‘దేవ‌కీ నంద‌న వాసుదేవ‌’లో త‌నే క‌థానాయిక‌. ఆ సినిమా సెట్స్‌పై ఉండ‌గానే మ‌రో ఆఫ‌ర్ అందుకొంది. ఈ కొత్త చిత్రానికి సంబంధించిన పూర్తి వివ‌రాలు రేపు వెల్ల‌డ‌వుతాయి.