హాస్య‌న‌టుడిగా బిజీగా ఉన్న‌ప్పుడే.. హీరో క్యారెక్ట‌ర్ల వైపు దృష్టి నిలిపాడు స‌ప్త‌గిరి. తొలి సినిమా స‌ప్త‌గిరి ఎక్స్‌ప్రెస్ నిరాశ ప‌రిచినా… హీరో మోజు తీర‌లేదు. త‌న పేరునే టైటిల్‌గా మార్చుకొని ఇప్పుడు స‌ప్త‌గిరి ఎల్ ఎల్‌బీ అంటూ మ‌రో ప్ర‌య‌త్నం చేస్తున్నాడు. బాలీవుడ్ లో విజ‌య‌వంత‌మైన జాలీ ఎల్ఎల్‌బీకి ఇది రీమేక్‌. అయితే ఇప్పుడు మ‌రో సినిమాకీ ప్లానింగ్స్ న‌డుస్తున్నాయ‌ట‌. సినిమా పేరేంటో తెలుసా??  ‘స‌ప్త‌గిరి వెర్సెస్ స‌న్నీలియోన్‌’.  స‌న్నీలియోన్ చుట్టూ తిరిగే క‌థ ఇది. అందుకోసం స‌న్నీలియోన్‌నే రంగంలోకి దించుతారా, లేదంటే ఆ పాత్ర‌లో మ‌రో క‌థానాయిక‌ని చూపిస్తారా అనేది ఆస‌క్తిగా మారింది. స‌న్నీలియోన్ కావాలంటే.. స‌గం బ‌డ్జెట్ ఆమె పారితోషికానికే కేటాయించాలేమో.  స‌ప్త‌గిరి స్నేహితుడే ఈచిత్రానికి ద‌ర్శ‌క‌త్వం వ‌హిస్తార‌ని టాక్‌.  అంటే.. మొత్తానికి హీరోగా కొన‌సాగ‌డానికి స‌ప్త‌గిరి డిసైడ్ అయిపోయాడ‌న్న‌మాట‌. దాంతో పాటు.. త‌న ప్ర‌తీ సినిమా టైటిల్‌లోనూ ‘స‌ప్త‌గిరి’ వ‌చ్చేలా జాగ్ర‌త్త ప‌డుతున్నాడు. ‘ఈ సినిమాలోనేనే హీరో’ అని చెప్పుకోవ‌డానికా, లేదంటే… దాన్నే బ్రాండ్‌గా మార్చుకోవ‌డానికా..?  లేదంటే త‌న పేరుంటే చాలు.. ప్ర‌చారం అక్క‌ర్లెద్ద‌ని ఫిక్స‌యిపోయాడా??