స‌రిలేరు నీకెవ్వ‌రులో చాలా స్సెష‌ల్ ఎట్రాక్ష‌న్స్ ఉన్నాయ‌ట. అవ‌న్నీ ఇప్పుడే చెప్పం… సినిమా చూసి తెలుసుకోవాల్సిందే అంటున్నారు అనిల్ రావిపూడి. అయితే.. ఈ సినిమాలోని ఓ సీక్రెట్ ని మాత్రం కొంచెం బ‌య‌ట‌పెట్టారు. అదేంటంటే.. ఇందులో కృష్ణ కూడా ఉన్నార‌ట. అదెలా..? ఆయ‌న ఎప్పుడు క‌నిపిస్తారు? క‌నిపిస్తారా, వినిపిస్తారా? అనేది మాత్రం చాలా ర‌హ‌స్యం అని ఊరిస్తున్నాడు అనిల్ రావిపూడి. మ‌హేష్ బాబు – ర‌ష్మిక జంట‌గా న‌టించిన సినిమా ఇది. ఈనెల 11న వ‌స్తోంది. పాట‌ల‌న్నీ బ‌ట‌య‌కు వ‌చ్చేశాయి. అందులో కృష్ణ పాత హిట్టు సినిమాల పాట‌లేం వినిపించ‌లేదు. బ‌హుశా.. కృష్ణ న‌టించిన పాత సినిమాల్లోంచి బిట్ సాంగ్ ఏమైనా వాడుకుంటున్నారేమో.
ఆ మాట అటుంచితే.. మ‌హేష్‌బాబు ప్ర‌తీ ఈవెంట్‌కీ కృష్ణ పాల్గొన‌డం ఆన‌వాయితీ. అయితే `స‌రిలేరు నీకెవ్వ‌రు` ప్రీ రిలీజ్ ఈవెంట్ కి ఆయ‌న రాలేక‌పోయారు. ఆయ‌న ఆరోగ్యం అంత‌గా స‌హ‌క‌రించ‌డం లేద‌ని, న‌డ‌వ‌లేక‌పోతున్నార‌ని తెలుస్తోంది. అందుకే కృష్ణ లేకుండానే ఈవెంట్ జ‌రిగిపోయింది.
