అర్ధరాత్రులు నిద్రలు మానుకొని అభిమానులుని థియేటర్స్ కి తెప్పించే సత్తా వున్నది మాస్ హీరోలకే. అయితే అలా జాగారం చేసి థియేటర్ లో అడుగుపెట్టిన అభిమానులకు జాతరలాంటి కంటెంట్ ఇచ్చే భాద్యత కూడా హీరోలదే. ఇప్పుడు రామ్ చరణ్ ‘గేమ్ ఛేంజర్’ అదే పనిలో వుంది. ‘రా మచ్చా.. మచ్చా’ పాటని ఫ్యాన్స్ కి మాస్ ఫీస్ట్ లా తీర్చిదిద్ది, లిరికల్ వీడియోని రిలీజ్ చేశారు.

మామూలు మాస్ జోష్ వున్న పాట కాదిది. తమన్ ఊరమాస్ బీట్స్ తో బాక్సులు బద్దలయ్యే సౌండ్ తో సాంగ్ ఇచ్చాడు. ఈ సాంగ్ వచ్చినపుడు ఫ్యాన్స్ కోలాహలం వేరే స్థాయిలో ఉంటుందని అర్ధమౌతోంది. లిరికల్ వీడియోలో మెగాస్టార్ కటౌట్, రామ్ చరణ్ వీణ స్టెప్పు.. మెగా పవర్ స్టార్ ఫ్యాన్స్ కి సూపర్ కిక్.

శంకర్ నెక్స్ట్ లెవల్ లో షూట్ చేశాడు. అన్నీ జానపద నృత్య రీతులని ఒక్క చోటకి చేర్చి మ్యాసీవ్ స్కేల్ లో తీశాడు. నిజానికి శంకర్ సినిమాలకి రెహ్మాన్ చేసేవారు. ఆయన పాటలు బావుంటాయి. కానీ తమన్ రేంజ్ లో మాస్ హిస్టిరియాలో సాంగ్ చేయడం శంకర్ కి కూడా ఇదే తొలిసారి. శంకర్ కెరీర్ లోనే ఇంత మాస్ సాంగ్ లేదనే చెప్పాలి.

అనంత్‌ శ్రీరామ్‌ ఆకట్టుకునే సాహిత్యం రాశాడు. గణేష్ ఆచార్య కొన్ని వైరల్ సిగ్నేచర్ మూమెంట్స్ కంపోజ్ చేస్తారు. రామ్ చరణ్ తన శ్వాగ్, గ్రేస్ తో అదరగొట్టారు. ఇప్పటివరకూ ‘గేమ్ ఛేంజర్’ నుంచి ఫ్యాన్స్ ని ఖుషి చేసే కంటెంట్ రాలేదనే చెప్పాలి. రా మచ్చా సాంగ్ తో ఆ లోటుని తీర్చేశారు.