కిరణ్ అబ్బవరం మాస్ రూటుని పక్కన పెట్టి చేస్తున్న చిత్రం రూల్స్ రంజన్. డిజే టిల్లుతో కుర్రకారుకి రాధికగా గుర్తుండిపోయిన నేహా శెట్టి ఇందులో హీరోయిన్. మ్యూజిక్ కి స్కోప్ వుండే సినిమా ఇది. ఇప్పటికే ఈ సినిమాని నుంచి ‘నాలో నేనే లేను’ పాటకి మంచి రెస్పాన్స్ వచ్చింది. తాజాగా ‘సమ్మోహనుడా’ అంటూ మరో పాటని వదిలారు. లిరికల్ కి తగ్గట్టు ఈ పాటలో రూల్స్ రంజన్ రొమాంటిక్ కోణాన్ని చూపించారు.
కిరణ్ అబ్బవరం, నేహా శెట్టి మధ్య కెమిస్ట్రీని గ్లామర్ డోస్ పెంచిమరీ చూపించారు. “సమ్మోహనుడా పెదవిస్తా నీకే కొంచెం కొరుక్కోవా. ఇష్టసఖుడా నడుమిస్తా నీకే నలుగే పెట్టుకోవా”ఇలా సాగింది ఈ పాట సాహిత్యం. ఈ పాటలో మరో ఆకర్షణ శ్రేయ ఘోషల్ వాయిస్. వినడానికి హాయిగా వుంది. సినిమా పాటలు ప్రమోషన్స్ లో కీలక పాత్ర పోహిస్తున్నాయి. బేబీ సినిమాకే ఇంత క్రేజ్ రావానికి కారణం ఓ రెండు మేఘాలు పాట. రూల్స్ రంజన్ కూడా అలాంటి ఒక వైరల్ సాంగ్ కోసం ప్రయత్నిస్తుంది. ఇప్పుడు వచ్చిన పాట మాత్రం గ్లామరసం పంచిందనే చెప్పాలి
