కరోనా ధాటికి షూటింగులు బందు చేయాల‌ని తెలుగు చ‌ల‌న చిత్ర‌సీమ పిలుపునిచ్చింది. ఛాంబర్, మా అసోసియేష‌న్‌.. అన్నీ స్వ‌చ్ఛందంగా బంద్ పాటించాయి. ఈనెల 31 వ‌ర‌కూ ఇదే ప‌రిస్థితి కొన‌సాగాల్సివుంది. అయితే… ఓ సినిమా మాత్రం గ‌ప్ చుప్‌గా మూడ్రోజుల పాటు షూటింగ్ కానిచ్చేసింద‌ని స‌మాచారం. ఓ యువ హీరోకి సంబంధించిన చిత్ర‌మ‌ది. ఓ ఇంట్లో యాక్ష‌న్ పార్ట్ కానిచ్చేశారు. కరోనాని ఖ‌త‌రు చేయ‌కుండా చిత్ర‌బృందం సాహ‌సోపేత‌మైన నిర్ణ‌య‌మే తీసుకొంది. అయితే… చ‌ల‌న చిత్ర‌సీమ ఆదేశాల‌ను బేఖాత‌రు చేయ‌డమే అసలు స‌మ‌స్య. ఈ విష‌యం ఛాంబర్ పెద్ద‌ల వ‌ర‌కూ వెళ్లింద‌ని తెలుస్తోంది. `మేం ఆదేశాల‌ను మాత్ర‌మే ఇవ్వ‌గ‌లం. లొకేష‌న్ల‌కు వెళ్లి బ‌ల‌వంతంగా షూటింగుల్ని ఆపేయ‌లేం క‌దా` అని ఛాంబర్ పెద్ద‌లు చెబుతున్నార్ట. చిత్ర‌సీమ అంతా ఓ నిర్ణ‌యం తీసుకున్న‌ప్పుడు మంచో చెడో దాన్ని పాటించాలి. ఎవ‌రిష్ట‌మొచ్చిన‌ట్టు వాళ్లు ప్ర‌వ‌ర్తిస్తే ఇక ఛాంబర్ లాంటి వ్య‌వ‌స్థ‌లు ఉండి ఏం లాభం? స‌ద‌రు నిర్మాత మొండోడు. మ‌హా ఘ‌టికుడు. ఆయ‌న‌తో ప‌డ‌లేకే… చాంబ‌ర్ పెద్ద‌లు మౌనం వ‌హించార‌ని టాక్‌.
దొంగ చాటుగా షూటింగులా?
