తమిళంలో శివ కార్తికేయన్, సమంత, కీర్తి సురేష్ హీరో హీరోయిన్లుగా నటించిన సినిమా ‘సీమరాజా’. ఫిబ్రవరి 8న తెలుగులో ఈ సినిమా విడుదలవుతుంది. ఇదొక ఫాంటసీ ఫిల్మ్. హీరో ఫ్లాష్ బ్యాక్ ఎపిసోడ్స్ లో ‘మగధీర’, ‘బాహుబలి’ రేంజ్ వార్ సీక్వెన్స్ తీశారు. ఆ సన్నివేశాల నిడివి తగ్గించామని తెలుగులో చిత్రాన్ని విడుదల చేస్తున్న సాయి కృష్ణ పెండ్యాల తెలిపారు.
తమిళంలో ఈ సినిమా నిడివి 3.10 గంటలు. తెలుగులో అటు ఇటుగా 2.20 గంటలు మాత్రమే. “శివ కార్తికేయన్ కంటే తెలుగులో సమంత, కీర్తి సురేష్ కు క్రేజ్ ఎక్కువ. వాళ్లను చూడటానికి ప్రేక్షకులు థియేటర్లకు వస్తారు. అందుకని, శివ కార్తికేయన్ హీరోయిజం చూపించే సన్నివేశాలు కొన్నిటిని కత్తిరించాం” అని సాయికృష్ణ అన్నారు.
ఈ శుక్రవారం వైయస్ రాజశేఖర్ రెడ్డి పాదయాత్ర ఆధారంగా రూపొందిన యాత్ర మినహా పెద్ద చిత్రాలేవీ విడుదల కావడం లేదు. అందువల్ల, ‘సీమరాజా’పై ప్రేక్షకులు ఆసక్తి కనబరుస్తున్నారు. సమంత కీర్తి సురేష్ హీరోయిన్లుగా నటించడం ఈ సినిమాకు కలిసివచ్చింది.
