నాని నిర్మాత‌గా రూపొందిన `హిట్‌` చిత్రం సీక్వెల్‌కి రంగం సిద్ధం అవుతోంది. ఇప్పుడు హీరోగానూ ఓ సీక్వెల్ రాబోతోంద‌ని స‌మాచారం. నాని – సుధీర్ బాబు క‌థానాయ‌కులుగా న‌టించిన చిత్రం ‘వి’. ఇంద్ర‌గంటి మోహ‌న కృష్ణ ద‌ర్శ‌క‌త్వం వ‌హించారు. ఈ ఉగాదికి విడుద‌ల కావాల్సిన ఈ చిత్రం క‌రోనా వ‌ల్ల వాయిదా ప‌డింది. ఏప్రిల్ ప్ర‌ధ‌మార్థంలో ఈ చిత్రాన్ని ప్రేక్ష‌కుల ముందుకు తీసుకొస్తారు. విశ్వ‌స‌నీయ వ‌ర్గాల స‌మాచారం మేర‌కు… ‘వి’ చిత్రానికి కొన‌సాగింపూ ఉంద‌ట‌. ఆ విష‌యం క్లైమాక్స్‌లోనే చెప్ప‌బోతున్నార‌ని తెలుస్తోంది. వి.. ఓ యాక్ష‌న్ థ్రిల్ల‌ర్‌. దొంగ – పోలీస్ ఆట‌లా సాగ‌బోతోంది. అయితే క్లైమాక్స్‌కి ముందొచ్చే ట్విస్టులు చాలా గ‌మ్మ‌త్తుగా ఉంటాయ‌ని, క‌థా స్వ‌రూపాన్నే మార్చేస్తాయ‌ని తెలుస్తోంది. `వి 2`కి కూడా ప‌తాక స‌న్నివేశాల్లోనే టేకాఫ్ తీసుకుంటార్ట‌. అయితే… ప్ర‌తీ థ్రిల్ల‌ర్ చిత్రానికీ సీక్వెల్ ప్లానులుంటాయి. కాక‌పోతే.. ఆ సినిమా జ‌యాప‌జ‌యాల‌పైనే అది ఆధార‌ప‌డి ఉంటుంది. ‘వి’ హిట్ట‌యితే మాత్రం… ‘వి 2’ కి దారి దొరికిన‌ట్టే.