ప్ర‌తి యేటా… వేస‌వి వ‌చ్చిందంటే – ప‌వ‌న్ క‌ల్యాణ్ తోట నుంచి మామిడి ప‌ళ్లు ప్ర‌త్య‌క్ష‌మైపోతుంటాయి. ప‌వ‌న్ త‌న స‌న్నిహితుల‌కు త‌న తోట‌లోని మామిడిప‌ళ్లు పంపుతుంటారు. ‘ప‌వ‌న్ నుంచి మామిడి ప‌ళ్లు వ‌చ్చాయ‌హో’ అంటూ సోష‌ల్ మీడియాలో తెగ హ‌డావుడి చేస్తుంటారు. ఈసారి.. ఆ బాధ్య‌త శ‌ర్వానంద్ తీసుకున్న‌ట్టున్నాడు. శ‌ర్వానంద్ ఇప్పుడు ఇండ్ర‌స్ట్రీలోని త‌న స‌న్నిహితుల‌కు, స్నేహితుల‌కు మామిడిప‌ళ్లు పంపుతున్నాడు. హైద‌రాబాద్ శివారు ప్రాంతాల్లో శ‌ర్వాకి ఓ మామిడి తోట ఉంది. ఈసారి పంట ఇర‌గ కాసింద‌ట‌. అందుకే.. శ‌ర్వా మామిడి ప‌ళ్లు పంచ‌డం మొద‌లెట్టాడు. కొంత‌మంది హీరోలు, ద‌ర్శ‌కులు, నిర్మాత‌ల‌కూ శ‌ర్వా మామిడిప‌ళ్లు అందాయి. ప్ర‌స్తుతం ‘ర‌ణ‌రంగం’ షూటింగ్‌లో బిజీగా ఉన్నాడు శ‌ర్వా. ఇటీవ‌లే ఫ‌స్ట్ లుక్ కూడా వ‌చ్చింది. ఈ టీమ్ స‌భ్యులంద‌రికీ శ‌ర్వా మామిడిప‌ళ్లు పంపాడు.