ప్ర‌యోగాలు చేయ‌డానికి యువ క‌థానాయ‌కులు ఎప్పుడూ సిద్ధంగానే ఉన్నారు. వ‌య‌సు పైబ‌డిన పాత్ర‌లు పోషించ‌డానికి కూడా ఓకే అంటున్నారు. ఇప్పుడు శ‌ర్వానంద్ అదే చేయ‌బోతున్నాడు. సుధీర్ వ‌ర్మ – శ‌ర్వానంద్ కాంబినేష‌న్లో ఓ చిత్రం రూపుదిద్దుకుంటోంది. ఇందులో శ‌ర్వా కొన్ని సన్నివేశాల్లో వ‌య‌సుపైబ‌డిన వాడిలా క‌నిపించ‌బోతున్నాడ‌ట‌. తెల్ల జుత్తు, ముడ‌త‌లు ప‌డిన మొహంతో దాదాపు ముస‌లి వేషంలో ద‌ర్శ‌న మివ్వ‌బోతున్నాడ‌ని స‌మాచారం. ఇందుకోసం శ‌ర్వానంద్‌తో ఓ స్పెష‌ల్ ఫొటో షూట్ కూడా డిజైన్ చేశారు. త‌న గెట‌ప్ ప‌ట్ల శ‌ర్వా సంతోషంగా ఉన్నాడ‌ని, ఫైన‌ల్ గెట‌ప్ కూడా దాదాపుగా ఖ‌రారైపోయింద‌ని స‌మాచారం. ఫిబ్ర‌వ‌రిలో ఈ సినిమా సెట్స్‌పైకి వెళ్ల‌బోతోంది. శ‌ర్వానంద్ – హ‌ను రాఘ‌వ‌పూడి కాంబినేష‌న్‌లో ఓ చిత్రం సెట్స్‌పైకి వెళ్లింది. దీనికి స‌మాంత‌రంగానే సుధీర్ వ‌ర్మ సినిమా కూడా ఉండ‌బోతోంది.