శర్వానంద్ – శ్రీ‌రామ్ ఆదిత్య కాంబినేష‌న్‌లో ‘మ‌న‌మే’ రూపుదిద్దుకొంటున్న సంగ‌తి తెలిసిందే. కృతి శెట్టి క‌థానాయిక‌గా న‌టిస్తున్న ఈ చిత్రాన్ని పీపుల్ మీడియా ఫ్యాక్ట‌రీ రూపొందిస్తోంది. శ్రీ‌రామ్ ఆదిత్య త‌న‌యుడు ఈ చిత్రంలో ఓ కీల‌క పాత్ర పోషించాడు. నిజానికి ఆ బాబు చుట్టే అస‌లు క‌థ న‌డుస్తుంది. ఇప్పుడు ‘మ‌న‌మే’ టీజ‌ర్ విడుద‌ల చేశారు. ఆ టీజ‌ర్ చూసినా… ఈ సినిమాలో బుజ్జి బాబు పాత్ర ఎంత కీల‌క‌మో అర్థ‌మ‌వుతోంది.

టీజ‌ర్ చాలా ప్ల‌జెంట్ గా, క‌ల‌ర్‌ఫుల్ గా తీర్చిదిద్దారు. హీరో మంచోడిలా క‌నిపిస్తాడు కానీ, మంచోడు కాదు. ఈ డైలాగ్ శ‌ర్వానంద్ తోనే చెప్పిస్తారు. హీరోయిన్ ఇచ్చిన మాట మీద నిల‌బ‌డే ర‌కం. త‌న‌కంటూ ఓ క్యారెక్ట‌ర్ ఉంది. ఇద్ద‌రి క్యారెక్ట‌ర్ల మ‌ధ్య ఉండే క్లాషే.. ఈ క‌థ‌లోని అస‌లు సంఘ‌ర్ష‌ణ‌. వీరిద్ద‌రి జీవితంలోకి ఓ బుజ్జిబాబు ఎలా వ‌చ్చాడు? ఎందుకు వ‌చ్చాడు? అనేది ఆస‌క్తిక‌రం. శ‌ర్వా లుక్ బాగుంది. త‌నలో ఈజ్ క‌నిపిస్తోంది. కృతికి ఈ సినిమా చాలా ముఖ్యం. ‘ఉప్పెన’ త‌ర‌వాత అంత గ్లామ‌రెస్‌గా క‌నిపిస్తోంది ఈ సినిమాలోనే. అబ్దుల్ వాహ‌బ్ ఇచ్చిన బ్యాగ్ గ్రౌండ్ స్కోర్ నీట్ గా ఉంది. విజువ‌ల్స్ బాగున్నాయి. రిచ్‌నెస్ క‌నిపిస్తోంది. కుటుంబం మొత్తాన్ని థియేట‌ర్ల‌కు తీసుకొచ్చే కంటెంట్ అయితే.. ఈ సినిమాలో ఉంది. దానికి ఈ టీజ‌రే సాక్ష్యం.