‘పుష్ష 2’లో ఐటెమ్ గీతం ఉంది. అందులో ఎవ‌రు న‌టించ‌బోతున్నారు? ఈసారి సుకుమార్ ఏ క‌థానాయిక‌ని ఐటెమ్ గాళ్‌గా ప‌రిచ‌యం చేయ‌బోతున్నారు? అనే ఆస‌క్తి స‌ర్వ‌త్రా ఉంది. ఈ జాబితాలో చాలామంది పేర్లు వినిపించాయి. శ్రీ‌లీల‌, జాన్వీ, ద్రీప్తి.. ఇలా ‘పుష్ష 2’ ఐటెమ్ గీతం చాలామంది చుట్టూ తిరిగింది. ఎట్ట‌కేల‌కు శ్ర‌ద్దాక‌పూర్‌కు ఈ అవ‌కాశం అందిన‌ట్టు స‌మాచారం అందుతోంది. ఐటెమ్ గాళ్ గా శ్ర‌ద్దా క‌పూర్ ఎంపిక ఖాయ‌మైంద‌ని, ఆమెకు అడ్వాన్సు కూడా ఇచ్చేశార‌న్న ఓ వార్త టాలీవుడ్ లో చ‌క్క‌ర్లు కొడుతోంది. ఇటీవ‌ల చిత్ర‌బృందం శ్ర‌ద్దా క‌పూర్‌ని సంప్ర‌దించిన మాట వాస్త‌వం. జాన్వీ కంటే శ్ర‌ద్దా బెట‌ర్ ఆప్ష‌న్ అని సుకుమార్ కూడా భావిస్తున్నారు. పైగా ‘స్త్రీ 2’తో ఓ మంచి హిట్ కొట్టింది శ్ర‌ద్దా. అందుకే ఐటెమ్ సాంగ్ ఛాన్స్ శ్ర‌ద్దాని వ‌రించింద‌ని చెబుతున్నారు.

ఈ పాట కోసం శ్ర‌ద్దా క‌పూర్ రూ.4 కోట్లు డిమాండ్ చేసింద‌ని, అడిగినంత ఇవ్వ‌డానికి మైత్రీ మూవీస్ కూడా సిద్ధ‌మైంద‌ని తెలుస్తోంది. న‌వంబ‌రులో ఈ పాట‌ని తెర‌కెక్కిస్తారు. దీంతో పాటు మ‌రో పాట కూడా బాలెన్స్ వుంది. ఈ పాట సైతం న‌వంబ‌రులోనే పూర్త‌వుతుంది. ఇటీవ‌ల ‘పుష్ష 1’ ఫ‌స్టాఫ్ ఎడిటింగ్, ఆర్‌.ఆర్ వ‌ర్క్ పూర్త‌య్యింది. ప్ర‌స్తుతం ‘పుష్ష 2’ సెకండాఫ్ ప‌నులు ముమ్మ‌రంగా జ‌రుగుతున్నాయి. ఈ దీపావ‌ళికి ‘పుష్ష 2’ నుంచి ఓ స‌ర్‌ప్రైజ్ ఉండొచ్చ‌ని అభిమానులు భావిస్తున్నారు. డిసెంబ‌రు 6న ప్ర‌పంచ వ్యాప్తంగా ఈ చిత్రాన్ని విడుద‌ల చేస్తున్న సంగ‌తి తెలిసిందే. అంత‌కు ముందు రోజే ప్రీమియ‌ర్లు కూడా గ‌ట్టిగా ప్లాన్ చేశారు.