బాహుబ‌లి అస‌లే స్టార్ల‌తో నిండిపోయింది. ప్ర‌భాస్‌, రానా, అనుష్క‌, త‌మ‌న్నా, ర‌మ్య‌కృష్ణ‌.. అంద‌రూ స్టార్‌లే. స్టార్ల‌కు స్టారు… మ‌న రాజ‌మౌళి. ఇప్పుడు ఈసినిమాలో మ‌రో స్థార్ క‌థానాయిక‌కు చోటు ద‌క్కింద‌న్న‌ది లేటెస్ట్ టాక్‌. ఆమె ఎవ‌రో కాదు.. ఢిల్లీ డాల్ శ్రియ‌. బాహుబ‌లి క‌న్‌క్లూజ‌న్ కోసం శ్రియ‌ని ఎంచుకొన్నార‌ని తెలుస్తోంది. రానా ప‌క్క‌న క‌థానాయిక‌గా శ్రియ క‌నిపించ‌బోతోంద‌ట‌. రానా – శ్రియ‌ల‌కు ఇటీవ‌లే ప్ర‌త్యేకంగా ఓ ఫొటో షూట్ కూడా నిర్వ‌హించార‌ని టాక్‌. రానా ప‌క్క‌న శ్రియ స‌రిగ్గా స‌రిపోయింద‌ని, అందుకే శ్రియ‌ని ఫిక్స్ చేశార‌ని చెప్పుకొంటున్నారు. ప్ర‌స్తుతం రామోజీ ఫిల్మ్ సిటీలో చిత్రీక‌ర‌ణ జ‌రుగుతోంది. అతి త్వ‌ర‌లోనే శ్రియ కూడా బాహుబ‌లి టీమ్‌తో జాయిన్ అవుతోంద‌ట‌. అస‌లే స‌రైన అవ‌కాశాలు లేక డీలా ప‌డిన శ్రియ‌కు ఇది అసలు సిస‌లైన గోల్డెన్ ఛాన్స్ అని చెప్పొచ్చు. మ‌రి ఈ బంప‌ర్ ఆఫ‌ర్‌ని శ్రియ ఎంత వ‌ర‌కూ క్యాష్ చేసుకొంటుందో చూడాలి.