శృతి హాసన్ సింగర్.. యాక్టర్… డాన్సర్… మ్యూజిక్ డైరెక్టర్! కమల్ హాసన్ టైపులో శృతి మల్టీటాలెంటెడ్ పర్సన్. ఇప్పటివరకూ తనలో సింగర్, యాక్టర్, మ్యూజిక్ డైరెక్టర్‌ని చూపించింది. త్వరలో ప్రొడ్యూసర్‌ని చూపిస్తానంటోంది. అందరూ కొత్తవాళ్లతో కాన్సెప్ట్ బేస్డ్ ఫిలిమ్స్ నిర్మించాలనుందని శృతి హాసన్ గతంలో ఓసారి వ్యాఖ్యానించారు. ఇప్పుడు ఆ వ్యాఖ్యలను ఆచరణలో పెడుతున్నారు. శృతి హాసన్ నిర్మాతగా మారారు.

జయప్రకాష్ రాధాకృష్ణన్ దర్శకత్వం వహించనున్న ‘ది మస్కిటో ఫిలాసఫీ’తో శృతి హాసన్ ప్రొడక్షన్ స్టార్ట్ చేస్తున్నారు. విమర్శకుల ప్రసంశలు అందుకోవడంతో పాటు అంతర్జాతీయ, జాతీయ చలన చిత్రోత్సవాల్లో ప్రదర్శించిన మలయాళ, తమిళ సినిమా ‘లెన్స్’ దర్శకుడు ఈయనే. అతడి ఆలోచనలు నచ్చడంతో ‘ది మస్కిటో ఫిలాసఫీ’ నిర్మించదునైకి అంగీకరించానని శృతి తెలిపారు. సంప్రదాయానికి, పాశ్చాత్య సంస్కృతికి మధ్య మన సమాజం ఎటు వెళ్తుందనే అంశాన్ని సినిమాలో చూపిస్తున్నామని దర్శకుడు తెలిపారు. స్నేహితులైన నాలుగు ప్రధాన పాత్రల చుట్టూ కథ నడుస్తుందట. దర్శకుడితో పాటు సినిమాలో ఎక్కువ శాతం మంచి కొత్తవాళ్లు నటిస్తార్ట‌.