సూపర్ స్టార్ మహేష్ బాబు.. మురుగదాస్ కాంబినేషన్లో ఓ సినిమా వస్తుందని హడావిడి చేస్తున్నారు ఫిల్మ్ నగర్ వర్గాలు. ప్రస్స్తుతం బ్రహ్మోత్సవం సినిమా చేస్తున్న మహేష్ దాని తర్వాత మురుగదాస్ సినిమానే చేస్తాడని అంటున్నారు. అంతేకాదు ఈ సినిమా బడ్జెట్ కూడా దాదాపు 80 కోట్ల దాకా ఉంటుందని అంచనా. మహేష్ తో చేస్తున్న ఈ సినిమాను తెలుగు, తమిళ్ లో రిలీజ్ చేసే ఆలోచనలో ఉన్నారు దర్శక నిర్మాతలు.

మెగా సూపర్ గుడ్ మూవీస్ బ్యానర్లో పారాస్ జైన్, ఎన్వీ ప్రసాద్ ఈ సినిమాను నిర్మించబోతున్నారట. అయితే ఈ సినిమాలో హీరోయిన్ గా ఛాన్స్ కొట్టేసింది హాట్ గాళ్ శృతి హాసన్. ప్రస్తుతం వరుస సినిమాలతో ఫుల్ బిజీగా ఉన్న ఈ భామా లేటెస్ట్ గా మహేష్ తో శ్రీమంతుడు, విజయ్ తో పులి సినిమాల్లో నటించిన హిట్టు కొట్టింది. మురుగదాస్ మహేష్ కాంబోలో వస్తున్న ఈ సినిమాలో మహేష్ పక్కన శృతి అయితే బాగుంటుందని ఆమెను ఓకే చేశారట.

త్వరలో అధికారిక ప్రకటన రానున్న ఈ సినిమాతో ప్రిన్స్ మహేష్ బాబు మరోసారి రికార్డుల దండయాత్ర చేయడం ఖాయమని అంటున్నారు. ప్రస్తుతం ఫ్యామిలీ ఎంటర్టైనర్ గా వస్తున్న బ్రహ్మోత్సవం జనవరి కల్లా షూటింగ్ కంప్లీట్ చేసుకుని వచ్చే వేసవిలో రిలీజ్ చేయాలనే ప్లాన్లో ఉన్నారు.