యూవీ క్రియేష‌న్స్ ఇప్పుడు చిన్నా, మీడియం రేంజ్ సినిమాల‌పై దృష్టి పెట్టింది. ప్ర‌స్తుతం శ్రుతిహాస‌న్ కోసం ఓ లేడీ ఓరియెంటెడ్ క‌థ‌ని సిద్థం చేసిన‌ట్టు ఇన్ సైడ్ వ‌ర్గాల టాక్‌. ఈ సినిమాతో ఓ యువ ద‌ర్శ‌కుడ్ని ప‌రిచ‌యం చేయ‌బోతున్నారు. సుజిత్ ద‌గ్గ‌ర స‌హాయ‌కుడిగా ప‌ని చేసిన ఓ కుర్ర ద‌ర్శ‌కుడు ఈ సినిమాతో మెగా ఫోన్ ప‌ట్ట‌బోతున్న‌ట్టు టాక్. ఇదో హారర్ సినిమా అని తెలుస్తోంది. ప్ర‌స్తుతం స్క్రిప్టు ప‌నులు జ‌రుగుతున్నాయి. త్వ‌ర‌లోనే అధికారిక ప్ర‌క‌ట‌న రావొచ్చు.

గ‌తేడాది ‘వాల్తేరు వీర‌య్య‌’, ‘వీర సింహారెడ్డి’, ‘స‌లార్‌’.. ఇలా వ‌రుస హిట్ల‌తో ఫామ్ లోకి వ‌చ్చేసింది శ్రుతి. త‌న చేతిలో చాలా ప్రాజెక్టులు ఉన్నాయి. శ్రుతి కూడా మెల్ల‌గా బాలీవుడ్ సినిమాల‌పై దృష్టి పెడుతున్న త‌రుణం ఇది. ఇప్పుడు సౌత్ నుంచి కూడా త‌న‌కు ఆఫ‌ర్లు అందుతున్నాయి. ఈ నేప‌థ్యంలో తాను ఒప్పుకొన్న ఏకైక తెలుగు సినిమా ఇదే. లేడీ ఓరియెంటెడ్ క‌థ‌లు చాలా వ‌చ్చినప్ప‌టికీ శ్రుతి ప‌క్క‌న పెట్టింది. ఈ క‌థ‌ని మాత్రం ఏరి కోరి ఎంచుకొంద‌ని టాక్‌. ‘భాగ‌మ‌తి’ త‌ర‌వాత యూవీ కూడా లేడీ ఓరియెంటెడ్ సినిమాలేవీ చేయ‌లేదు. ఇప్పుడు మ‌ళ్లీ ఆ జోన‌ర్ ట‌చ్ చేయ‌బోతోంది. త్వ‌ర‌లోనే ఈ చిత్రానికి సంబంధించిన పూర్తి వివ‌రాలు బ‌య‌ట‌కు వ‌స్తాయి.