‘డీజే టిల్లు’ ఓ స‌ర్‌ప్రైజింగ్ బ్లాక్ బ‌స్ట‌ర్ అయిపోయింది. క‌థంటూ ఏమీ లేక‌పోయినా టిల్లుగా సిద్దు బాడీ లాంగ్వేజ్‌, సిట్యువేష‌న్ నుంచి పుట్టుకొచ్చిన కామెడీ ఆ సినిమాని సూప‌ర్ హిట్ చేశాయి. అలాంటి సినిమాకి సీక్వెల్ వస్తోందంటే సాధార‌ణంగానే ఇంట్ర‌స్ట్ ఏర్ప‌డుతుంది. మేక‌ర్స్ కూడా దానికి త‌గ్గ‌ట్టుగానే కంటెంట్ ఇస్తూ వ‌చ్చారు. ఇప్ప‌టికే ఈ సినిమా నుంచి విడుద‌లైన రెండు పాట‌లూ హిట్ట‌యిపోయాయి. సిద్దు పుట్టిన రోజు సంద‌ర్భంగా ఈ రోజు ఓ స్పెష‌ల్ గ్లింప్స్ వ‌దిలారు. అది కూడా హిలేరియ‌స్‌గా ఉంది. జ‌స్ట్.. సినిమాలో ఇదే సీన్‌. అందులో సిద్దు, అనుప‌మ కాన్వ‌ర్జేష‌న్‌. గ్లింప్స్‌లో అంతే ఉంది. కానీ ఎంతో.. అనిపించింది. న‌ల్ల‌మ‌ల్ల ఫారెస్ట్‌.. న‌ల్ల‌చీర‌, పాన్ మ‌ల్కాజ్ గిరీ మూవీ, ఓటీటీటీ, ఏవో పాత‌జ్ఞాపకాలు, పాత‌వే కానీ, తీపివైతే కాదు.. అంటూ టిల్లు స్టైల్‌లో చెప్పిన డైలాగ్‌… భ‌లే కుదిరింది. సినిమాలో ఈమాత్రం కామెడీ ఉన్నా – క‌చ్చితంగా వ‌ర్క‌వుట్ అయిపోతుంది. ఈనెల 14న ట్రైల‌ర్ వ‌దులుతున్నారు. అందులో ఇంకెంత కామెడీ ఉంటుందో, మార్చి 29న ఈ సినిమాని థియేట‌ర్ల‌లో విడుద‌ల చేస్తున్నారు. నిజానికి ఫిబ్ర‌వ‌రి 9నే ఈ సినిమా రావాలి. కానీ.. ‘ఈగిల్’ కోసం వాయిదా వేయాల్సివ‌చ్చింది.