తమిళ హీరో శింభుకు కాలం కలిసి రావట్లేదు అన్నది అందరికి తెలిసిందే. ఒకదాని తర్వాత ఒకటి వచ్చి శింబుకి వెనక్కి తగ్గేలా చేశాయి. మన్మధ సినిమా టైంలో శింభుకి ఓ రేంజ్ క్రేజ్ ఉండేది. అయితే మూడేళ్ళ నుండి ఎదురు చూస్తుండగా రిలీజ్ అయిన వాలు కూడా యావరేజ్ గా నిలిచింది. అందుకే తెలుగులో భారీ ఫ్లాపుల తర్వాత ఎన్టీఆర్ కు కాస్త ఊరట కలిగించి హిట్ ఇచ్చిన టెంపర్ సినిమాను రీమేక్ చేయబోతున్నాడట.
పూరి దర్శకత్వంలో ఎన్టీఆర్ లోని నట విశ్వరూపాన్ని చూపించిన ఈ సినిమాతో తారక్ సరికొత్త జోష్ ను నింపుకున్నాడు. ఇక తర్వాత వచ్చిన నాన్నకు ప్రేమతోతో తనని ఎప్పటినుండో ఊరిస్తున్న 50 కోట్ల మార్క్ ను కూడా క్రాస్ చేయగలిగాడు. అందుకే తారక్ ను కష్టాల బారి నుండి బయట పడేసిన టెంపర్ సినిమాను తమిళ్ లో రీమేక్ చేయబోతున్నాడట శింభు.
తమిళ దర్శకుడు విజయ్ చందర్ దర్శకత్వంలో రాబోతున్న ఈ సినిమాను మైఖేల్ రాయప్పన్ నిర్మిస్తున్నాడు. సినిమాకు సంబంధించిన మిగతా కాస్ట్ అండ్ క్రూ త్వరలో తెలిసే అవకాశం ఉంది. ప్రస్తుతం శింభు గౌతం మీనన్ దర్శకత్వంలో సాహసం శ్వాసగా సాగిపో తమిళ వర్షన్ హీరోగా చేశాడు. ఆ సినిమా రిలీజ్ అయ్యాక టెంపర్ సినిమా స్టార్ట్ చేసే అవకాశాలు ఉన్నాయి.
