‘ఛలో’ విజయంతో నాగశౌర్యలో కాన్ఫిడెన్స్ పెరిగింది… నటుడిగానూ! నిర్మాతగానూ! హీరో తల్లిదండ్రులు ఆ సినిమాను నిర్మించారు. ‘ఛలో’ విజయం అందించిన ఉత్సాహంతో సొంత సంస్థలో నాగశౌర్య కొత్త స్టార్ట్ చేశాడు. వంశీ పైడిపల్లి దగ్గర దర్శకత్వ శాఖలో పని చేసిన శ్రీనివాస్ చక్రవర్తిని దర్శకునిగా పరిచయం చేస్తూ ‘@ నర్తనశాల’ పేరుతో ఒక సినిమా చేస్తున్న సంగతి తెలిసిందే. ఇందులో నాగశౌర్యకు జోడీగా నిఖిల్ హీరోయిన్ ని సెలెక్ట్ చేశారు. వచ్చే శుక్రవారం విడుదలవుతోన్న నిఖిల్ ‘కిరాక్ పార్టీ’తో తెలుగు తెరకు పరిచయమవుతోన్న హిందీ సీరియల్ బ్యూటీ సిమ్రాన్ పరీంజా ‘@ నర్తనశాల’లో నటించనుందని సమాచారమ్. ఇటీవల ఆడిషన్స్ చేసిన సినిమా యూనిట్ సిమ్రాన్ యాక్టింగ్ పట్ల సంతృప్తిగా ఉందట. అమ్మాయి జస్ట్ సంతకం చేయడం ఒక్కటే బాలన్స్. నాగశౌర్య, సిమ్రాన్ జోడీ ఫ్రెష్ గా ఉంటుందని దర్శకుడు కూడా భావిస్తున్నార్ట‌.