తమిళ నాట స్టార్ హీరోగా ఉంటూనే అదే ఫాంను తెలుగులో కూడా కొనసాగిస్తున్నాడు హీరో సూర్య. గజిని తర్వాత సూర్య క్రేజ్ ను పెంచేసిన సినిమా యముడు అదే సింగం సినిమా. ఇప్పటికే రెండు భాగాలుగా వచ్చిన ఈ సినిమా సూపర్ హిట్ అయ్యింది. అయితే ఈ సారి వచ్చే సింగం-3 మొదటి రెండు భాగాలను మించి ఉంటుందని చెబుతున్నారు ఆ సినిమా దర్శకుడు హరి. మొదలుపెట్టిన నాటి నుండి సింగం-3 చాలా క్రేజ్ సంపాదించింది. అంతేకాదు సౌత్ లో ఓ సినిమా మూడో పార్ట్ చేయడం కూడా సింగం-3నే కావడం విశేషం.
సూర్యతో పాటుగా అనుష్క నటిస్తున్న ఈ సినిమాలో ఈసారి శృతి హాసన్ కూడా స్క్రీన్ షేర్ చేసుకుంటుంది. ప్రస్తుతం షూటింగ్ జరుపుకుంటున్న ఈ సినిమాను ఈ సంవత్సరం దసరా కానుకగా అక్టోబర్ లో రిలీజ్ చేసే ఆలోచనల్లో ఉన్నారు దర్శక నిర్మాతలు. ఇప్పటికే సూర్య నటించి నిర్మించిన ’24’ సినిమా రిలీజ్ కు రెడీ అవుతుంది. సో సూర్య అభిమానులకు ఈ సంవత్సరం డబుల్ ధమాకా అన్నమాట.
