పుష్ఫ‌క‌విమానం, ఆదిత్య 369, విచిత్ర సోద‌రులు లాంటి మ‌ర‌పురాని చిత్రాల్ని అందించిన ద‌ర్శ‌కుడు సింగీతం శ్రీ‌నివాస‌రావు. ఆయ‌న వ‌య‌సు 88 సంవ‌త్స‌రాలు. అయినా స‌రే సినిమాపై ఉత్సాహం ఏమాత్రం త‌గ్గ‌లేదు. ఇప్ప‌టికీ ఆయ‌న కొత్త క‌థ‌ల గురించి ఆలోచిస్తూనే ఉన్నారు. ఇప్పుడు.. ఈ వ‌య‌సులో మ‌రోసారి మెగాఫోన్ ప‌ట్ట‌డానికి సిద్ధ‌మ‌య్యారు. అవును.. సింగీతం శ్రీ‌నివాస‌రావు మ‌ళ్లీ `యాక్ష‌న్‌… క‌ట్‌` చెప్ప‌బోతున్నారు. ఓ గాయ‌ని జీవిత క‌థ‌ని బ‌యోపిక్‌గా తీయ‌బోతున్నారు. ఆ గాయ‌ని ఎవ‌రు? ఆ గాయ‌ని పాత్ర‌లో న‌టించే క‌థానాయిక ఎవ‌రు? అనే విష‌యాలు త్వ‌ర‌లోనే వెల్ల‌డించ‌నున్నారు. పీపుల్స్ మీడియా సంస్థ ఈ చిత్రాన్ని తెర‌కెక్కించ‌నున్న‌ద‌ని స‌మాచారం. ప్ర‌స్తుతం స్క్రిప్టు ప‌నులు జ‌రుగుతున్నాయి. త్వ‌ర‌లోనే పూర్తి వివ‌రాలు బ‌య‌ట‌కు వ‌స్తాయి.