చేసే పాత్ర‌లో ప‌ర్‌ఫెక్ష‌న్ కోసం ఆలోచించే న‌టుడు అడవిశేష్. క్ష‌ణం, గూఢ‌చారి సినిమాల‌తో త‌న మైలేజీ పెరిగింది. ఇప్పుడు `మేజర్` సినిమా చేస్తున్నాడు. అశోక చ‌క్ర పుర‌స్కారం పొందిన మేజర్ సందీప్ ఉన్ని కృష్ణ‌న్ బ‌యోపిక్ ఇది. జీవిత క‌థ, అందులోనూ మేజర్ పాత్ర. ఆషామాషీగా ఉండ‌కూడ‌దు క‌దా.? అందుకే ఈ పాత్ర కోసం భారీ క‌స‌ర‌త్తులు చేస్తున్నాడు అడవిశేష్.
కొంత‌మంది మాజీ సైనిక అధికారుల స‌మ‌క్షంలో అడ‌వి శేష్ ఇది వ‌ర‌కే శిక్ష‌ణ తీసుకున్నాడు. ఇప్పుడు కూడా ఆన్ లైన్ ద్వారా శిక్ష‌ణ తీసుకుంటూనే ఉన్నాడు. శేష్‌కి శిక్ష‌ణ ఇచ్చిన మాజీ అధికారులు సెట్‌కి కూడా వ‌స్తార‌ట. సెట్లో అప్ప‌టిక‌ప్పుడు అడవిశేష్‌కు స‌ల‌హాలూ, సూచ‌న‌లు ఇచ్చి, ఏ స‌మ‌యంలో ఎలాంటి బాడీ లాంగ్వేజ్ తో క‌నిపించాల‌న్న విష‌యంలో శేష్ కి సెట్లోనే శిక్ష‌ణ ఇవ్వ‌నున్నార‌ని తెలుస్తోంది. ఇదంతా.. శేష్ తీసుకుంటున్న ముందు జాగ్ర‌త్త. అందుకోసం శేష్ ఈ సైనిక అధికారుల‌కు భారీ మొత్తంలో ఫీజు చెల్లించుకుంటున్నాడ‌ట. మ‌హేష్ బాబు నిర్మాత‌గా వ్య‌వ‌హ‌రిస్తున్న ఈ చిత్రంలో శోభిత ధూళిపాళ క‌థానాయిక‌గా న‌టిస్తోంది. ఇందులో మ‌రో హీరోయిన్ కీ ఛాన్సు ఉంద‌ని స‌మాచారం. త్వ‌ర‌లోనే రెండో క‌థానాయిక వివ‌రాల్ని చిత్ర‌బృందం అధికారికంగా ప్ర‌క‌టించ‌బోతోంది.
