బాలీవుడ్ భామలు ఇంగ్లిష్ సినిమాలు, సీరియల్స్ లోనటించడం ఈ మధ్య ఎక్కువైంది. అందానికి అందం, అబినయం, ఆ దేశాల్లో స్థిరపడ్డ ఎన్నారైలు ఆకట్టుకోడానికి అదనపు ఆకర్షణ. కాబట్టి ఇంగ్లిష్ సినిమా నిర్మాతలు, మ్యూజిక్ ఆల్బమ్స్ మేకర్స్ బాలీవుడ్ బ్యూటీస్ వైపు మొగ్గు చూపుతున్నారు. తాజాగా ఈ లిస్టులో అందాల నటి సోనం కపూర్ చేరింది. అమెరికా క్యూట్ స్టార్ బియాన్స్ తో కలిసి మ్యూజిక్ ఆల్బంలో కనిపించడం అరుదైన విషయమే.
కోల్డ్ ప్లే తదుపరి మ్యూజిక్ వీడియలో సోనం కనువిందు చేయబోతోంది. ఇప్పటికే ఈ ఆల్బంలోని పాటను నటి, గాయని బియాన్స్ పాడిందట. ఈ అందాల తారకు అమెరికాలో మంచి క్రేజ్ ఉంది. ప్రపంచ వ్యాప్తంగా ఫ్యాన్స్ ఉన్నారు. ఈమెతో కలిసి ఇండియన్ బ్యూటీ సోనం కపూర్ ఒకే మ్యూజిక్ వీడియోల కనిపిస్తే డబుల్ ధమాకాలా ఉంటుందని వీడియో మేకర్స్ చాలా ఆశతో ఉన్నారట. బాలీవుడ్ లో సినిమాలు బాగానే ఉన్నా సక్సెస్ రేట్ తక్కువగా ఉన్న నటి సోనం. అయినా పాజిటివ్ ధోరణితో సక్సెస్ కోసం ఎదురు చూస్తుంది. ఇప్పుడు అనుకోకుండా ఈ ఆల్బం ఆఫర్ కూడా ఈ అమ్మాయి ఖాతాలో చేరింది.
