అల్లు అర్జున్, సుకుమార్ ల ‘పుష్ప 2: ది రూల్’ పై మంచి అంచనాలు వున్నాయి. ప్రమోషనల్ కంటెంట్ ఆ అంచనాలని ఇంకా పెంచుతోంది. ఇప్పటికే విడుదలైన ‘గ్లింప్స్, టీజర్, పుష్ప పుష్ప సాంగ్’ వైరల్ అయ్యాయి. ఇప్పుడు కపుల్ సాంగ్ ‘సూసేకి అగ్గిర‌వ్వ మాదిరి వుంటాడే నా సామీ’ పాటని వదిలారు.‘నా సామి’ పాటను గుర్తు చేసేలా ఈ పాటని స్వరపరిచారు దేవిశ్రీ ప్రసాద్. చంద్రబోస్ సాహిత్యం ఆకట్టునేలా వుంది.

‘‘వీడు మొరటోడు
అని వాళ్లు వీళ్లు.. ఎన్నెన్ని అన్న
పసిపిల్లవాడు నా వాడు..
వీడు మొండోడు
అని ఊరు వాడ అనుకున్నగానీ
మహరాజు నాకు నా వాడు..
ఓ.. మాట పెలుసైనా.. మనసులా వెన్న
రాయిలా ఉన్నవాడిలోన దేవుడెవరికి తెలుసును నా.. కన్నా..
సూసేకి అగ్గిర‌వ్వ మాదిరి వుంటాడే నా సామీ..
మెత్తానీ పత్తిపువ్వులామరి సంటోడే నా సామీ” అంటూ సాగిన సాహిత్యం అచ్చ తెలుగు సొగసుతో అలరించింది. ఈ పాటను 5 భాషల్లోనూ శ్రేయా ఘోషల్ పాడటం మరో విశేషం. ఇక విజువల్స్ కి వస్తే అల్లు అర్జున్, రష్మికా మందన్నా మరోసారి సిగ్నేచర్ మూమెంట్స్ తో ఆకట్టుకున్నారని తెలుస్తోంది. ఆగస్టు 15న సినిమా ప్రేక్షకులు ముందుకు రానుంది.