ఏప్రిల్ 7న‌.. అల్లు అర్జున్ పుట్టిన రోజు. ఈ సంద‌ర్భంగా బ‌న్నీ కొత్త సినిమా విశేషాలు బ‌య‌ట‌కు రాబోతున్నాయ‌ని స‌మాచారం. ప్ర‌స్తుతం ‘పుష్ష 2’ సెట్లో బిజీగా ఉన్నాడు బ‌న్నీ. ఆ సినిమాకు సంబంధించిన టీజ‌ర్‌ని బ‌న్నీ బ‌ర్త్ డే కానుక‌గా విడుద‌ల చేయ‌బోతున్నార‌ని స‌మాచారం. ఇప్ప‌టికే టీజ‌ర్‌కి సంబంధించిన ఎడిటింగ్ పూర్త‌యింద‌ట‌. ప్ర‌స్తుతం దేవిశ్రీ ప్ర‌సాద్ ఆర్‌.ఆర్ ఇచ్చే ప‌నిలో నిగ‌మ్న‌మ‌య్యార‌ని తెలుస్తోంది. మ‌రోవైపు.. బ‌న్నీ కొత్త సినిమాల విశేషాలు కూడా అదే రోజున వెల్ల‌డి చేయ‌నున్నారు. అల్లు అర్జున్ – అట్లీ కాంబినేష‌న్‌లో ఓ చిత్రం సెట్స్‌పైకి వెళ్ల‌బోతోంది. దానికి సంబంధించిన అప్ డేట్ కూడా అదే రోజున రాబోతోంది. అల్లు అర్జున్ – త్రివిక్ర‌మ్‌, అల్లు అర్జున్ – బోయ‌పాటి శ్రీ‌ను కాంబినేష‌న్ల‌లో సినిమాలు రూపుదిద్దుకోబోతున్నాయి. వీటిలో ముందుగా ప‌ట్టాలెక్కే సినిమా ఏద‌న్న విష‌యంలో బ‌న్నీ బ‌ర్త్ డే రోజునే ఓ క్లారిటీ వ‌చ్చే అవ‌కాశం ఉంది. ‘పుష్ష 2’ని ఆగ‌స్టు 15న విడుద‌ల చేస్తామ‌ని చిత్ర‌బృందం ఇది వ‌ర‌కే ప్ర‌క‌టించింది. ఆరోజు ఈ సినిమా రావ‌డం అనుమాన‌మే అనేది ఇన్ సైడ్ వ‌ర్గాల టాక్. అయితే.. చిత్ర‌బృందం మాత్రం ఎట్టి ప‌రిస్థితుల్లోనూ ఆగ‌స్టు 15నే తీసుకురావాల‌ని కంక‌ణం క‌ట్టుకొంది. అందుకే మూడు షిఫ్ట్‌ల‌లో షూటింగ్ పూర్తి చేస్తున్నారు. మ‌రోవైపు… ఎడిటింగ్ వ‌ర్క్ కూడా సూప‌ర్ స్పీడులో జ‌రుగుతోంది.