మ‌హేష్‌బాబు క‌థానాయ‌కుడిగా న‌టించిన చిత్రం స్పైడ‌ర్‌. మురుగ‌దాస్ ద‌ర్శ‌కత్వం వ‌హించారు. ఈ సినిమాతో త‌మిళ చిత్ర‌సీమ‌లో అడుగుపెట్ట‌బోతున్నాడు మ‌హేష్‌. అందుకే అక్క‌డ భారీ ఎత్తున ప్ర‌మోషన్లు నిర్వ‌హించాల‌ని భావిస్తున్నాడు. అందులో భాగంగానే ఆడియో ఫంక్ష‌న్‌ని క‌నీవినీ ఎరుగ‌ని రీతిలో చేయాల‌ని ఫిక్స‌య్యాడు మ‌హేష్‌. తెలుగు, త‌మిళ పాట‌ల్ని చెన్నైలోనే విడుద‌ల చేస్తార్ట‌. ఈనెల 9న చెన్నైలో స్పైడ‌ర్ ఆడియో విడుద‌ల చేయ‌బోతోంది చిత్ర‌బృందం. ఈ కార్య‌క్ర‌మానికి ర‌జ‌నీకాంత్ ముఖ్య అతిథిగా విచ్చేస్తార‌ని ప్ర‌చారం జ‌రిగింది. అయిత ఈ వేడుక‌కు ర‌జ‌నీ రావ‌డం లేదు. శంక‌ర్, రాజ‌మౌళి చీప్ గెస్టులుగా వ‌స్తున్నారంతే! ర‌జ‌నీ వీడియో బైట్ మాత్రం స్పైడ‌ర్ ఆడియో వేడుక‌లో చూపిస్తార్ట‌. తెలుగులో ప్ర‌త్యేకంగా ఆడియో ఫంక్ష‌న్ ఏం లేదు కాబ‌ట్టి.. ప్రీ రిలీజ్ వేడుక మాత్రం గ్రాండ్ గా నిర్వ‌హించాల‌ని చిత్ర‌బృందం భావిస్తోంది. అది హైద‌రాబాద్‌లోనా, విశాఖ‌ప‌ట్నంలోనా అనేది ఇంకా తేల్చుకోలేదు. ద‌స‌రా కానుక‌గా ఈనెల 27న స్పైడ‌ర్‌ని విడుద‌ల చేస్తున్న సంగ‌తి తెలిసిందే.