అనుకొన్న‌దే అయ్యింది. ‘పుష్ష 2’లో ఐటెమ్ సాంగ్ చేసే అదృష్టం, అవ‌కాశం శ్రీ‌లీల‌ని వ‌రించింది. ‘పుష్ష 2’లో ఐటెమ్ గీతం అన‌గానే అంద‌రి దృష్టీ శ్రీ‌లీల‌పై ప‌డింది. శ్రీ‌లీల మంచి డాన్స‌ర్‌. బ‌న్నీతో స‌మానంగా స్టెప్పులు వేసే స‌త్తా ఉన్న న‌టి. అందుకే… శ్రీ‌లీల మంచి ఆప్ష‌న్ అనుకొన్నారు. అయితే శ్రీ‌లీల వ‌రుస‌గా ఫ్లాపులు ఎదుర్కోవ‌డంతో, శ్రీ‌లీల ఆప్ష‌న్‌ని ప‌క్క‌న పెట్టారు. ఆ త‌ర‌వాత చాలామంది పేర్లు ప‌రిశీల‌న‌లోకి వ‌చ్చాయి. అయితే.. మ‌ళ్లీ బంతి శ్రీ‌లీల కోర్టులోనే ఆగింది. ‘పుష్ష 2’లో ఐటెమ్ పాట శ్రీ‌లీల మాత్ర‌మే చేయ‌గ‌ల‌ద‌ని, ఆమెను ఫిక్స్ చేసేసింది చిత్ర‌బృందం. ఈ వారంలోనే ఈ ఐటెమ్ గీతాన్ని తెర‌కెక్కిస్తారు. ప్రేమ్ ర‌క్షిత్ నృత్య రీతులు స‌మ‌కూర్చే అవ‌కాశం ఉంది.
ఐటెమ్ సాంగ్ థీమ్ ఏమిటి?
సుకుమార్ ఐటెమ్ గీతాలు గ‌మ్మ‌త్తుగా ఉంటాయి. ఆ పాట‌లో ఓ థీమ్ ఉంటుంది. ”ఊ.. అంటావా’ కూడా ఓ థీమ్ ప్రకారం సాగే పాటే. ఈసారి కూడా కాన్సెప్ట్ బేస్డ్ పాటను చంద్ర‌బోస్ తో రాయించార‌ని తెలుస్తోంది. అమ్మాయిల సెల్ఫ్ రెస్పెక్ట్ అనే థీమ్ తో ఈ పాట సాగ‌బోతోంద‌ట. ‘ఎవ‌రు ఏ ప‌ని చేసినా.. అది వృత్తి వ‌ర‌కే. వాళ్లని గౌర‌వించాల్సిందే’ అనే కాన్సెప్ట్ ఈ పాట‌లో వినిపించ‌బోతోంద‌ని స‌మాచారం. ఈ పాట‌లో ‘పుష్ష 2’ షూటింగ్ మొత్తం పూర్త‌వుతుంది. డిసెంబ‌రు 5న ప్ర‌పంచ వ్యాప్తంగా ఈ చిత్రాన్ని విడుద‌ల చేస్తారు. 4 నుంచే ప్రీమియ‌ర్ షోల హడావుడి మొద‌లు కానుంది.
