బ్రూస్ లీ ప్రమోషన్లో పాల్గొన్న దర్శకుడు శ్రీనువైట్ల చాలా విషయాలను మీడియాతో షేర్ చేసుకున్నాడు. ఆగడు ఫ్లాప్ కి అసలు కారణం దూకుడుతో ఏర్పడ్డ అంచనాలే అని.. అది గాకా త్వరగా సినిమాను ఫినిష్ చేసే ఆలోచనలో సినిమా అలా వచ్చిందని అన్నాడు. ఇక టాప్ హీరోలదరితో సినిమాలు చేసిన శ్రీనువైట్ల పవన్ కళ్యాణ్ బాలకృష్ణలతో మాత్రమే సినిమాలు చేయలేదని అన్నాడు. అంతేకాదు మహేష్, పవన్ కళ్యాణ్ తో ఓ మల్టిస్టారర్ సినిమా తీయడం నా కల అని అన్నాడు శ్రీనువైట్ల.
ప్రస్తుతం మెగా పవర్ స్టార్ రామ్ చరణ్ హీరోగా నటించిన బ్రూస్ లీ రిలీజ్ కు రెడీగా ఉంది. భారీ బడ్జెట్ తో రిలీజ్ అవుతున్న ఈ సినిమా మెగా ఫ్యాన్స్ హంగామా నడుమ భారీగా విడుదలవుతుంది. మరి పవన్, మహేష్ మల్టిస్టారర్ సినిమా తన కల అని చెప్పిన శ్రీనువైట్ల అది నిజం అయ్యే రోజు కోసం వెయిట్ చేయాలి.
కేవలం తనకే కాదు మహేష్, పవన్ ల కాంబో తెలుగు సిని ప్రేమికులకు కూడా క్రేజీ సినిమా. మరి ఆ క్రేజీ మల్టీస్టారర్ సినిమా ఎప్పుడు రూపొందుతుందో చూడాలి. సరైన కథ దొరికితే ఇద్దరు కలిసి నటించడానికి సుముఖంగానే ఉన్నట్టు అప్పట్లో వార్తలు వచ్చాయ్.
