కామెడీ సినిమాలకు కమర్షియల్ హంగులు అద్దుతూ దర్శకుడిగా స్టార్ క్రేజ్ ను సంపాధించిన శ్రీనువైట్ల ఈ మధ్య అంత ఫాంలో లేడన్నది తెలిసిన విషయమే.. సూపర్ స్టార్ మహేష్ ఆగడు, చెర్రి బ్రూస్ లీలు ఘోరంగా పోవడంతో శ్రీనువైట్ల సినిమా అంటే కంగారు పడిపోయే పరిస్థితి వచ్చింది. అయితే ప్రస్తుతం మెగా హీరో వరుణ్ తేజ్ తో ‘మిస్టర్’ సినిమా తీస్తున్న శ్రీనువైట్ల వచ్చే నెల షూటింగ్ స్టార్ట్ చేస్తున్నాడు. తన సినిమాల్లో అచ్చొచ్చిన కామెడీ స్పూఫ్ లను మళ్లీ తీయబోయే ‘మిస్టర్’ సినిమాలో కూడా కంటిన్యూ చేస్తున్నాడట శ్రీనువైట్ల.
అయితే ఈసారి కింగ్ నాగార్జున, కార్తిలు కలిసి నటించి సూపర్ హిట్ కొట్టిన ‘ఊపిరి’ సినిమా స్పూఫ్ తో శ్రీనువైట్ల కొన్ని సీన్స్ రాసుకున్నారట. నాగ్, కార్తిల మీద పంచ్ లేస్తూ కామెడీని పండిస్తాయట ఆ సన్నివేశాలు. అయితే ఊపిరి మంచి ఎమోషనల్ మూవీ. దాన్ని తెరకెక్కించిన వంశీ పైడిపల్లి అందరి దగ్గర నుండి ప్రశంసలు అందుకున్నాడు. మరి అలాంటి సినిమాను కనుక స్పూఫ్ అని పాడుచేస్తే శ్రీనువైట్ల మళ్లీ భారీ మూల్యం చెల్లించుకోవాల్సి వస్తుంది. ఇక మిస్టర్ సినిమాకు గోపిమోహన్ కథ స్క్రీన్ ప్లే అందిస్తున్నాడని తెలిసిందే. మరి వరుణ్ తేజ్ తో అయినా శ్రీనువైట్ల గట్టెక్కుతాడో లేదో చూడాలి.
