జనతా గ్యారేజ్ సినిమా తర్వాత చాలా మంది దర్శకుల దగ్గర చాలా చాలా కథలు విన్నాడు ఎన్టీఆర్. కథలు వినడం కోసం, డైరెక్టర్స్‌తో చర్చల కోసం ఇంత టైం తీసుకుంటున్న ఎన్టీఆర్ ఏ రేంజ్ ప్రాజెక్ట్‌ని అనౌన్స్ చేస్తాడా అని అందరూ ఎదురు చూశారు. తీరా చూస్తే ఎన్టీఆర్ మాత్రం సర్దార్ గబ్బర్ సింగ్ లాంటి డిజాస్టర్ ఇచ్చిన బాబీకి ఓటేశాడు. అందరి అంచనాలకు తగ్గ స్థాయిలో అయితే డైరెక్టర్ సెలక్షన్ లేదు. మరి బాబీ చెప్పిన కథ అయినా ఆ రేంజ్‌లో ఉందా? బాబీ సినిమాలో ఎన్టీఆర్ మూడు వేరియేషన్స్ ఉన్న క్యారెక్టర్స్ చేస్తాడు అన్న న్యూస్ బయటకు వచ్చిన వెంటనే కథలో ఏదో స్పెషాలిటీ ఉండే ఉంటుందన్న నమ్మకానికి అందరూ వచ్చేశారు. ఆ నమ్మకానికి తగ్గట్టుగానే కళ్యాణ్ రామ్ కూడా ఎక్సైటింగ్ విషయాలు చెప్పుకొచ్చాడు. బడ్జెట్ విషయంలో కూడా ఎక్కడా తగ్గడం లేదని తెలుస్తోంది. ముగ్గురు ఎన్టీఆర్‌లకు తగ్గట్టుగా ముగ్గురు హీరోయిన్స్‌ని కూడా ఫైనల్ చేస్తారని తెలుస్తోంది.

శృతీహాసన్‌లాంటి వాళ్ళ పేర్లు వినిపిస్తున్నాయి. అయితే వీటన్నింటికంటే ది బెస్ట్ న్యూస్ ఒకటి ఎన్టీఆర్ క్యాంప్ నుంచి బయటకు వచ్చింది. ఈ సినిమాలో సీనియర్ యాక్ట్రెస్ శ్రీదేవి చేత ఓ స్పెషల్ క్యారెక్టర్ చేయించనున్నారట. తాతయ్యతో కలిసి ఎన్నో సినిమాల్లో యాక్ట్ చేసిన శ్రీదేవితో నటించాలన్న థాట్ ఎన్టీఆర్‌కి ఎప్పటి నుంచో ఉంది. ఆ నందమూరి తారకరామారావు వారసత్వాన్ని గుర్తుచేసే ఏ అంశాన్ని ఎన్టీఆర్ వదులుకోడు. ఇప్పుడు ఎన్టీఆర్-బాబీ సినిమాలో కూడా ముగ్గురు ఎన్టీఆర్‌లలో ఒక ఎన్టీఆర్ క్యారెక్టర్ సీనియర్ గుర్తు చేసేలా ఉంటుందని తెలుస్తోంది. జనతా గ్యారెజ్ సినిమాలో మోహన్‌లాల్ అప్పియరెన్స్ స్పెషల్ క్రేజ్ తీసుకొచ్చింది. ఇఫ్పుడిక ఎన్టీఆర్ సినిమాలో శ్రీదేవి స్పెషల్ క్యారెక్టర్ అన్న వార్త నిజమైతే మాత్రం సినిమా క్రేజ్ పీక్స్‌కి వెళ్ళిపోవడం ఖాయం. శ్రీదేవికి కథ చెప్పారని కూడా అంటున్నారు. శ్రీదేవి గ్రీన్ సిగ్నల్ ఇచ్చిందో లేదో తెలియదు మరి. కానీ ఎన్టీఆర్ ఫ్యాన్స్‌ని మాత్రం ఎన్టీఆర్ సినిమాలో శ్రీదేవి ఓ క్యారెక్టర్ చేస్తుంది అన్న న్యూస్ ఎక్సైట్ చేస్తుంది. బాహుబలి సినిమా కోసం అడిగినప్పుడే రెమ్యూనరేషన్ విషయంలో బెట్టు చేసి గోల్డెన్ ఛాన్స్ పోగొట్టుకున్న శ్రీదేవి ఇప్పుడు ఎన్టీఆర్ సినిమాతోనైనా తెలుగు తెరపైకి రీ ఎంట్రీ ఇస్తుందా?