వెట‌ర‌న్ ద‌ర్శ‌కుడు రాఘ‌వేంద్ర‌రావు మళ్లీ మెగాఫోన్ ప‌ట్ట‌బోతున్నారు. అలనాటి సూప‌ర్ డూప‌ర్ మ్యూజిక‌ల్ హిట్ `పెళ్లి సంద‌డి` టైటిల్ తో మ‌రోసారి త‌న మ్యాజిక్ చూపించ‌డానికి రెడీ అవుతున్నారు. ఈసినిమాకి సంబంధించిన అధికారిక ప్ర‌క‌ట‌న వ‌చ్చేసింది. అయితే.. హీరో, హీరోయిన్ ఎవ‌ర‌న్న‌ది చెప్ప‌లేదు. త్వ‌ర‌లోనే వాళ్ల పేర్లు బ‌య‌ట‌పెడ‌తాన‌న్నారు రాఘ‌వేంద్ర‌రావు.

అయితే పెళ్లి సంద‌డి హీరో ఎవ‌ర్న‌ది చూచాయిగా బ‌య‌ట‌కు వ‌చ్చేసింది. శ్రీ‌కాంత్ త‌న‌యుడు రోష‌న్ తోనే ఈ పెళ్లి సంద‌డి చేయబోతున్నార‌ని టాక్‌. `నిర్మ‌లా కాన్వెంట్`తో తెలుగు తెర‌కు ప‌రిచ‌యం అయ్యాడు రోష‌న్‌. ఆ సినిమా బాగా నిరాశ ప‌రిచింది. అందుకే కొంత గ్యాప్ తీసుకుని న‌ట‌న‌, డాన్సుల్లో శిక్ష‌ణ తీసుకుంటున్నాడు రోష‌న్‌. త‌న‌తో నే `పెళ్లి సంద‌డి` చేయించాల‌ని రాఘ‌వేంద్ర‌రావు భావిస్తున్నార్ట‌. పెళ్లి సంద‌డి శ్రీ‌కాంత్ కి ఎలాంటి స్టార్ డ‌మ్ తెచ్చిందో, అలాంటి స్టార్ డమ్ నే శ్రీకాంత్ వార‌సుడికీ తీసుకురాబోతోంద‌ని అటు శ్రీ‌కాంత్, ఇటు రాఘ‌వేంద్ర‌రావు భావిస్తున్నారు. క‌థానాయిక పేరు ఖ‌రారు కాగానే.. ఈ జంట‌ని అధికారికంగా పరిచ‌యం చేయాల‌ని భావిస్తున్నారు.