స్టార్ డైరక్టర్ శ్రీనువైట్ల లాస్ట్ ఇయర్ మొత్తం కష్టాలనే ఎదుర్కునే పరిస్థితి వచ్చింది. అందుకే కొద్దిరోజుల పాటు న్యూస్ లకు.. న్యూసెన్స్ లకు దూరంగా ఉండి కొత్త చిత్రానికి సంబంధించిన కార్యక్రమాలను చూస్తున్నాడు. ప్రస్తుతం శ్రీనువైట్లతో సినిమా అంటే ఏ స్టార్ హీరో ముందుకు వచ్చే అవకాశం లేదు. సూపర్ స్టార్ మహేష్ ఆగడు ఫ్లాప్ అయినా సరే పిలిచి మరి ఆఫర్ ఇచ్చినా చరణ్ కు బ్రూస్ లీ లాంటి డిజాస్టర్ ను ఇచ్చి అపవాదాలు మూటకట్టుకున్నాడు.
వరుసెంట రెండు అపజయాలతో కాస్త ఇబ్బంది పడ్డ శ్రీనువైట్ల తనకు మంచి ఇమేజ్ ను తీసుకువచ్చిన ఫ్యామిలీ డ్రామాలనే తెరకెక్కించే ప్రయత్నాలు చేస్తున్నాడట. ఆ దారిలోనే తనకు స్టార్ ఇమేజ్ తీసుకువచ్చిన డీ, రెడీ సినిమాలను సీక్వల్స్ చేసే ప్లాన్ లో ఉన్నాడట. రెడీ సినిమా రామ్ కెరియర్ లో కూడా బిగ్గెస్ట్ హిట్ గా నిలవగా.. డీ సినిమాతో తాను హీరోగా మొదటి సూపర్ హిట్ అందుకున్నాడు మంచు విష్ణు. సో ఈ ఇద్దరితోనే మళ్లీ ఆ రెండు సినిమాల సీక్వల్స్ ప్లాన్ చేస్తున్నాడట శ్రీనువైట్ల.
ఇప్పటికే ఆ హీరోలిద్దరితో మాట్లాడటం కూడా జరిగిందట. అయితే రామ్ ఏమో కాని శ్రీనువైట్లతో సినిమా చేసేందుకు మంచు విష్ణు మాత్రం ఎప్పుడైనా రెడీ అంటున్నాడు. డీ తో సూపర్ హిట్ అయిన ఆ మ్యాజిక్ ఈ సీక్వల్ కు కలిసి వచ్చి శ్రీనువైట్ల కు డీ-2 సినిమా హిట్ తన కెరియర్ మంచి బూస్టప్ ఇవ్వాలని ఆశిద్దాం.
