మొదటి సినిమా హిట్ అయితే వచ్చే కిక్కే వేరబ్బా అని.. మొదటి సినిమా ఊహించని విధంగా ట్రెండ్ సెట్ చేస్తే నిజంగా ఆ థ్రిల్లే వేరబ్బా అని అంటాడేమో శ్రీరాం ఆదిత్య. కుర్రాడు భలే మంచి రోజు ఆడియో వేడుకలోనే మాట్లాడిన తీరు అందరిని ఆశ్చర్య పరచింది. సినిమా విడుదలకు ముందే సినిమా మీద అంత నమ్మకన్ని పెట్టుకున్న దర్శకుడు శ్రీరాం ఆదిత్య. సినిమా హిట్ అయిన విధానాన్ని చూస్తే అది నిజమే అనుకునేలా చేశాడు. సుధీర్ బాబుకి సోలో హిట్ ఇచ్చిన ఈ దర్శకుడు వెంట ఇప్పుడు నిర్మాతలు క్యూలు కడుతున్నారట.
ప్రస్తుతం భలే మంచి రోజు సక్సెస్ ని ఎంజాయ్ చేస్తున్న శ్రీరాం ఆదిత్య. ఇక రెండో సినిమా ప్రయత్నాలు కూడా మొదలెట్టినట్టు తెలుస్తుంది. అయితే తెలుస్తున్న సమాచారం ప్రకారం మాస్ మహారాజ్ రవితేజ శ్రీరాం టేకింగ్ నచ్చాడని.. కథ చర్చల్లో కూడా పాల్గొన్నారని తెలుస్తుంది. రెండవ సినిమానే స్టార్ హీరోని దర్శకత్వం వహించే అవకాశం కొట్టేసి సూపర్ అనిపించుకున్నాడు శ్రీరాం ఆదిత్య.
ప్రస్తుతం భలే మంచి రోజు సక్సెస్ టూర్ అంటూ విజయయాత్రలు చేస్తుంది చిత్ర యూనిట్. విజయయాత్రలు ముగించుకున్న తర్వాత రవితేజ సినిమా మీద దృష్టి పెడతాడట దర్శకుడు శ్రీరాం ఆదిత్య. ఇప్పటికే రవితేజ మూడు సినిమాలు కమిట్ అయి ఉన్నాడు మరి శ్రీరాంతో ఎప్పుడు సినిమా తీస్తాడో చూడాలి.
