రాజ‌మౌళి ద‌ర్శ‌క‌త్వంలో మ‌హేష్ బాబు సినిమా ఎప్పుడు? అనే ఉత్కంఠ‌త‌కు తెర‌ప‌డింది. మ‌హేష్ అభిమానుల నిరీక్ష‌ణ ఫ‌లించింది. ఈ సినిమాకి సంబంధించి రాజ‌మౌళి స్పందించాడు. `ఆర్‌.ఆర్‌.ఆర్‌` త‌ర‌వాత త‌న ప్రాజెక్టు మ‌హేష్ బాబుతోనే అని ధృవీక‌రించాడు. దుర్గా ఆర్ట్స్ సంస్థ ఈ చిత్రాన్ని నిర్మించ‌బోతోంది. మ‌హేష్ బాబు, రాజ‌మౌళి కాంబో చూడాల‌ని తెలుగు చిత్ర‌సీమ క‌ల‌లు కంటోంది. వీరిద్ద‌రినీ ఈ సినిమా గురించి ఎప్పుడు అడిగినా `అతి త్వ‌ర‌లో.. త్వ‌ర‌లో` అంటూ.. స‌మాధానం దాటేసేవారు. `ఆర్‌.ఆర్‌.ఆర్‌` త‌ర‌వాత ఈ కాంబో ఉంటుంద‌ని గ‌ట్టిగా ప్ర‌చారం జ‌రుగుతోంది. ఇప్పుడు రాజ‌మౌళి నుంచి క్లారిటీ వ‌చ్చేసింది. 2021 జ‌న‌వ‌రిలో `ఆర్‌.ఆర్‌.ఆర్‌` విడుద‌ల అవుతోంది. అదే యేడాది మ‌హేష్‌తో సినిమా ఉండే అవ‌కాశం ఉంది. ఈలోగా మ‌హేష్‌బాబు ప‌ర‌శురామ్ సినిమాని పూర్తి చేస్తారు.