హైదరాబాద్: సుకుమార్ దర్శకత్వం వహించిన జూనియర్ ఎన్‌టీఆర్ తాజా చిత్రం ‘నాన్నకు ప్రేమతో’ ఆడియో విడుదల సందర్భంగా నిన్న ట్రైలర్ విడుదల చేసిన సంగతి తెలిసిందే. ఈ ట్రైలర్‌పై దర్శక బాహుబలి రాజమౌళి ప్రశంశలు కురిపించారు. ట్రైలర్ స్టైలిష్‌గా, కూల్‌గా ఉందని ట్విట్టర్‌లో పేర్కొన్నారు. తారక్ ఇంతకుముందు చేసిన పాత్రలన్నిటికంటే పూర్తి భిన్నంగా సుకుమార్ ఇందులో చూపించారని వ్యాఖ్యానించారు. ఇది నో నాన్సెన్స్ సినిమాలా కనిపిస్తోందని పేర్కొన్నారు. బీవీఎస్ఎన్ ప్రసాద్, సుకుమార్, బాపినీడు… ఇంకా టీమ్ మొత్తానికి ఆల్ ది బెస్ట్ చెప్పారు. తారక్ 25వ సినిమా చాలాకాలం గుర్తుండిపోయేలా ఉండాలని ఆకాంక్షించారు.
శ్రీ వెంకటేశ్వర సినీచిత్ర పతాకంపై బీవీఎస్ఎన్ ప్రసాద్ నిర్మించిన నాన్నకు ప్రేమతో ఆడియో విడుదల కార్యక్రమానికి సినీ ప్రముఖులు, ఎన్‌టీఆర్ అభిమానులు పెద్దసంఖ్యలో తరలివచ్చారు. ఎన్‌టీఆర్ తండ్రి హరికృష్ణ ముఖ్య అతిథిగా హాజరయ్యారు. మరో అతిథిగా హాజరైన వినాయక్ మాట్లాడుతూ, నాన్నను అమితంగా ప్రేమించే ఎన్‌టీఆర్, సుకుమార్, దేవిశ్రీ ప్రసాద్ రూపొందించిన ఈ చిత్రం తప్పక ఘన విజయం సాధిస్తుందని అన్నారు. మరోవైపు నాన్నకు ప్రేమతో ట్రైలర్‌ను యూట్యూబ్‌లో 25 లక్షలమంది చూశారు. జగపతిబాబు ఈ చిత్రంలో విలన్‌గా నటించటం విశేషం.
film. All the best prasad garu, Sukku, bapi and the entire team. wishing this 25th film of tarak will be remembered for a long time.
— rajamouli ss (@ssrajamouli) December 28, 2015
[youtube https://www.youtube.com/watch?v=Om69gF1iiT4&w=640&h=360]
