ఏయన్నార్‌ జాతీయ అవార్డు-2024 వేడుకలు ఘనంగా మొదలయ్యాయి. అమితాబ్ బచ్చన్ చేతుల మీదుగా అవార్డును చిరంజీవి అందుకోనున్నారు. ఏయన్నార్‌ ప్రేమాభిషేకంలోని ‘తారలు దిగివచ్చిన వేళ’ లిరిక్ ని గుర్తు తెస్తూ అతిరథ మహారథులు అవార్డ్ వేడుకకి హాజరయ్యారు. రెడ్ కార్పెట్ ధగధగ మెరిసిపోయింది.
వేదిక వద్దకి వచ్చిన అమితాబ్ కి చిరంజీవి, నాగార్జున పాదాభివందనం చేశారు. అమితాబ్ బచ్చన్ చిరంజీవి మాతృమూర్తి అంజనా దేవికి పాదాభివందనం చేశారు.
ఆస్కార్ విజేత ఎంఎం కీరవాణీ మ్యూజికల్ ట్రీట్ తో కార్యక్రమం వైభవంగా ప్రారంభమైయింది. అగ్రహీరోలు, నిర్మాతలు, దర్శకులతో పాటు పలు పరిశ్రమలోని ప్రముఖులు హాజరైన ఈ వేడుక కన్నుల పండగలా సాగుతోంది.
