హైదరాబాద్: ర్యాగింగ్ భూతానికి అత్యంత ప్రతిభావంతుడైన తెలుగు విద్యార్థి ఒకరు బలయ్యాడు. చెన్నైలోని ప్రతిష్ఠాత్మక విద్యాసంస్థ సత్యభామ యూనివర్సిటీలో బీటెక్ రెండో సంవత్సరం చదువుతున్న వెంకటకృష్ణ అనే విద్యార్థి నిన్న రాత్రి హైదరాబాద్ కూకట్‌పల్లిలోని తన ఇంట్లో ఆత్మహత్య చేసుకున్నాడు. సూసైడ్ నోట్‌లో తన ఆత్మహత్యకు కారణాలను వెల్లడించాడు. సీనియర్‌లు పూర్ణ చంద్రశేఖర్, సూర్య అనేవారి వేధింపులకు తట్టుకోలేక ఆత్మహత్య చేసుకుంటున్నట్లు పేర్కొ న్నాడు. వారు తనను కుక్కను కొట్టినట్లు కొడుతున్నారని, డబ్బులన్నీ లాక్కుంటున్నారని రాశాడు. వారికి ఎలాగైనా శిక్ష పడేలా చూడాలని తల్లిదండ్రులను కోరాడు.

తమ కుమారుడు వెంకటకృష్ణ మెరిట్ స్టూడెంట్ అని, గూగుల్ అంబాసిడర్‌గా కూడా ఎంపికయ్యాడని తండ్రి చెప్పారు. గూగుల్ వారు నెలకు రు.15,000 ఇస్తారని, తానుకూడా ఇక్కడనుంచి డబ్బు పంపేవాడినని, అదంతా ఆ సీనియర్‌లు లాక్కుంటారని తమకు ఇప్పుడు తెలిసిందని తండ్రి వాపోయారు. దీపావళి సెలవులకోసం ఇంటికి వచ్చాడని అనుకున్నామని, అమ్మా, నాన్న, అన్నయ్యల ప్రేమకోసమే హైదరాబాద్ వచ్చానని సూసైడ్ నోట్‌లో రాశాడని తెలిపారు.