నంద‌మూరి బాల‌కృష్ణ – పూరిల కాంబినేష‌నే ఆస‌క్తి రేకెత్తించింది. పూరి రాసే డైలాగుల ప‌దునేంటో అభిమానుల‌కు తెలుసు. వాటిని బాల‌య్య నోటి నుంచి వినాల‌ని.. ఉవ్వీళ్లూరిపోయారు. వాళ్ల కోరిక‌లు, ఆశ‌లు, అంచ‌నాలు ఫ‌లించేలానే… `పైసా వ‌సూల్‌` ఉండ‌బోతోంద‌ని టీజ‌ర్ చూస్తే అర్థ‌మైపోతోంది. 90 సెక‌న్ల టీజ‌ర్‌ని బాల‌య్య అభిమానుల మ‌న‌సు గెలిచేలా క‌ట్ చేశాడు పూరి. మూడంటే మూడు డైలాగులు వినిపించాడు. మూడూ… అదిరిపోయాయంతే. డైలాగుల్ని ప‌క్క‌న పెడితే… వాటిని బాల‌య్య ప‌లికే విధానం మ‌రింత న‌చ్చేసింది. ఒక విధంగా బాల‌య్య‌ని పూరి ఆవ‌హించాడ‌నే చెప్పుకోవొచ్చు. అనూప్ అందించిన ఆర్‌,ఆర్‌… లావిష్ నెస్‌, యాక్ష‌న్ ఎపిసోడ్స్.. బాల‌య్య స్టెప్పులు.. మొత్తానికి పైసా వ‌సూల్ చేసే సినిమాకి కావ‌ల్సిన ల‌క్ష‌ణాల‌న్నీ టీజ‌ర్లో క‌నిపించాయి. ఇప్ప‌టికే ఈ సినిమాపై భారీ అంచ‌నాలు ఏర్ప‌డ్డాయి. ఈ టీజ‌ర్‌తో అవి అమాంతం పెర‌గ‌డం ఖాయం.