సూర్య – సుధాకొంగ‌ర కాంబోలో వ‌చ్చిన `ఆకాశ‌మే నీ హ‌ద్దురా` సూప‌ర్ హిట్ అయ్యింది. సూర్య‌కు న‌టుడిగా ప‌లు పుర‌స్కారాలు తెచ్చి పెట్టింది. అందులో జాతీయ అవార్డు కూడా ఉంది. దాంతో వీరిద్ద‌రూ మ‌రోసారి క‌లిసి ప‌ని చేద్దామ‌నుకొన్నారు. అధికారికంగానూ ఈ ప్రాజెక్ట్ ప్ర‌క‌టించారు. దీనికి `పురాణ‌నూరు` అనే పేరు పెట్టారు. సూర్య స్వ‌యంగా త‌న నిర్మాణ సంస్థ‌లోనే ఈ చిత్రాన్ని రూపొందించాల‌నుకొన్నాడు. త్వ‌ర‌లోనే ఈ సినిమా సెట్స్‌పైకి వెళ్లాల్సివుంది. అయితే ఇప్పుడు ఈ సినిమా నుంచి సూర్య త‌ప్పుకొన్న‌ట్టు వార్త‌లొస్తున్నాయి.

క్రియేటీవ్ డిఫ‌రెన్స‌న్స్ వ‌ల్లే సూర్య ఈ సినిమా చేయ‌డం లేద‌ని, అత‌ని స్థానంలో శివ‌కార్తికేయ‌న్ చేరాడ‌ని త‌మిళ సినీ వ‌ర్గాలు చెబుతున్నాయి. దీనిపై నిర్మాణ సంస్థ ఇప్ప‌టి వ‌ర‌కూ ఎలాంటి క్లారిటీ ఇవ్వ‌లేదు. ఇటీవ‌ల సుధాకొంగ‌ర శివ‌కార్తికేయ‌న్‌తో భేటీ వేశారు. వారిద్ద‌రి మ‌ధ్య సినిమాకు సంబంధించిన సంప్ర‌దింపులు జ‌రిగాయి. సుధాకొంగ‌ర చెప్పిన క‌థ‌..శివ కార్తికేయ‌న్‌కు న‌చ్చింద‌ని, వీరి కాంబోలో ఈ క‌థ‌ని సెట్స్‌పైకి తీసుకెళ్లాడానికి ఆకాష్ కృష్ణ‌న్ అనే నిర్మాత ముందుకొచ్చాడ‌ని స‌మాచారం. శివ‌కార్తికేయ‌న్ ప్ర‌స్తుతం మురుగ‌దాస్ తో ఓ సినిమా చేస్తున్నారు. ‘అమ‌రన్‌’ అనే పేరు ఖ‌రారు చేశారు. ఈ సినిమా విడుద‌ల‌య్యాకే.. సుధా కొంగ‌ర సినిమా సెట్స్‌పైకి వెళ్తుంద‌ని తెలుస్తోంది.