కృష్ణ కుటుంబం నుంచి వ‌చ్చిన హీరో… సుధీర్‌బాబు. త్వ‌ర‌గానే త‌న‌కంటూ ఓ ప్ర‌త్యేక‌త‌ని చాటుకున్నాడు. ప్రేమ‌క‌థ‌లూ, యాక్ష‌న్ సినిమాలూ, కాన్సెప్ట్ క‌థ‌లూ.. ఇలా అన్ని ర‌కాల ప్ర‌య‌త్నాలూ చేశాడు. నిర్మాత అయ్యాడు. `శ‌మంత‌క‌మ‌ణి`లాంటి మ‌ల్టీస్టార‌ర్ల‌కూ ఓకే చెప్పాడు. ఇప్పుడు త‌న దృష్టంతా `వి` సినిమాపై ఉంది. నానితో పాటు సుధీర్ న‌టించిన సినిమా ఇది. సెప్టెంబ‌రు 5న అమేజాన్ లో విడుద‌ల కానుంది.

నాని సినిమా అంటే.. అంద‌రి దృష్టీ త‌న‌పైనే ఉంటుంది. తెర‌పై ఎంత‌మంది ఉన్నా అంద‌రినీ డామినేట్ చేసేస్తాడు నాని. అలాంటి చోట‌… త‌న‌కంటూ ప్ర‌త్యేక‌త నిలుపుకోవ‌డం ఏ హీరోకైనా క‌ష్ట‌మే. కానీ `వి` ట్రైల‌ర్ చూస్తుంటే… సుధీర్ బాబు మాత్రం నానికి ధీటుగా స‌మాధానం ఇచ్చాడ‌నిపిస్తోంది. నాని సైకోగా న‌టించిన సినిమా ఇది. సాధార‌ణంగా ఇలాంటి పాత్ర‌ల్లో న‌టీన‌టులు విశ్వ‌రూపం చూపిస్తారు. నానీ కూడా అదే చేశాడు. కాక‌పోతే.. పోలీస్ ఆఫీస‌ర్ పాత్ర‌లో సుధీర్ న‌ట‌న కూడా అబ్బుర‌పరిచేలా ఉంటుంద‌ని ఇన్‌సైడ్ వ‌ర్గాలు చెబుతున్నాయి. ముఖ్యంగా త‌న 8 ప్యాక్ బాడీతో సుధీర్ యాక్ష‌న్ ప్రియుల్ని అల‌రించ‌డానికి రెడీ అవుతున్నాడ‌ట‌. ట్రైల‌ర్ లోని కొన్ని షాట్స్ లో సుధీర్ 8 ప్యాక్ క‌నిపించింది. మెహ‌రం నేప‌థ్యంలో సాగే యాక్ష‌న్ సీన్‌లో సుధీర్ బాబు ఫీట్స్ అంద‌రినీ ఆశ్చ‌ర్య‌ప‌రుస్తాయ‌ని తెలుస్తోంది. ఈ సినిమాతో సుధీర్‌కి కొత్త ఇమేజ్ రావ‌డం ఖాయ‌మ‌న్న‌ది సుధీర్ బాబు స‌న్నిహితుల మాట‌. మ‌రి ఏం జ‌రుగుతుందో చూడాలి.