సుధీర్ బాబు చేస్తున్న రెండు సినిమాలు ఇప్పుడు సెట్స్‌పై ఉన్నాయి. `ఆ అమ్మాయి గురించి చెప్పాలి` విడుద‌ల‌కు సిద్ధ‌మైంది. మ‌రోవైపు హ‌ర్ష‌వ‌ర్థ‌న్ ద‌ర్శ‌క‌త్వంలో ఓ సినిమా చేస్తున్నాడు. దీనికి `మామా మ‌శ్చీంద్ర‌` అనే టైటిల్ ఫిక్స్ చేశారు. బుధ‌వారం సుధీర్‌బాబు పుట్టిన రోజు. ఈ సంద‌ర్భంగా ఫ‌స్ట్ లుక్‌తో పాటు టైటిల్ నీ రివీల్ చేశారు. మశ్చీంద్ర అంటే చాలా అర్థాలే ఉన్నాయి. కోరిక‌, ఆశ‌యం, క‌ల‌లు.. ఇలా పాజిటీవ్‌నెస్ ఆ ప‌దంలో ప్ర‌తిధ్వ‌నిస్తుంది. ఈ సినిమాలో సుధీర్ బాబు క్యారెక్ట‌ర్‌లో చాలా షేడ్స్ ఉంటాయ‌ని చిత్ర‌బృందం చెబుతోంది. న‌టుడిగా, ర‌చ‌యిత‌గా హ‌ర్ష‌వ‌ర్థ‌న్ తెలుగు ప్రేక్ష‌కుల‌కు సుప‌రిచితుడే. ద‌ర్శ‌కుడిగా ఇది వ‌ర‌కు ఓ సినిమా చేశాడు కానీ, ఇప్ప‌టి వ‌ర‌కూ బ‌య‌ట‌కు రాలేదు. అయితే క‌థ‌పై న‌మ్మ‌కంతో సుధీర్‌… హ‌ర్ష‌కు అవ‌కాశం ఇచ్చాడు. చూస్తుంటే ఈసారి ప‌క్కా క‌మ‌ర్షియ‌ల్ క‌థ‌తోనే వ‌స్తున్న‌ట్టుంది. హీరోయిన్‌, ఇత‌ర న‌టీన‌టులు, సాంకేతిక నిపుణుల వివ‌రాలు త్వ‌ర‌లోనే ప్ర‌క‌టిస్తామ‌ని చిత్ర‌బృందం తెలిపింది.

Fun & action have no language barrier ? #MaamaMascheendra!! Also in Hindi this time! ? Let's go! ??@HARSHAzoomout @chaitanmusic @pgvinda #NarayanDasNarang @puskurrammohan @SVCLLP pic.twitter.com/RIil9JOJYi

— Sudheer Babu (@isudheerbabu) May 11, 2022