సుధీర్‌బాబు హీరోగా జ్ఞానసాగర్‌ ద్వారక రూపొందిస్తున్న చిత్రం ‘హరోం హర’.‘పవర్‌ ఆఫ్‌ సుబ్రమణ్యం’ పేరుతో ఈ సినిమా టీజర్ ని విడుదల చేశారు. 1989 నాటి చిత్తూరు జిల్లా కుప్పం నేపథ్యంలో సాగే చిత్రమిది. హీరో అరెస్ట్ తో టీజర్ ని ప్రారంభమైయింది. ” అందరూ పవర్ కోసం గన్ పట్టుకుంటారు. దిని యాడేడో తిరిగి నన్ను పట్టుకుంది” అనే డైలాగుతో మిగతా పాత్రలనీ ఆసక్తికరంగా తెరపైకి తెచ్చారు. నిమిషన్నర నిడివి వున్న టీజర్ లో కథని రివిల్ చేయలేదు కానీ పాత్రలని, ప్రిమైజ్ ని చూపించారు.

సుధీర్ బాబు పాత్ర కొంచెం భిన్నంగా వుంది. ఆతని పాత్రలో కొన్ని లేయర్స్ వున్నాయి. తొలి సన్నివేశంలో ఇన్ షర్టు తో కనిపించిన ఆయన తర్వాత సన్నివేశాల్లో మరో కోణంలో పూర్తి మాస్ గా కనిపించారు. ఇందులో సుబ్రమణ్యం స్వామి రూపంలో లో సూపర్ నాచురల్ ఎలిమెంట్ కూడా వుంది. దాన్ని పూర్తిగా రివిల్ చేయలేదు.

సునీల్, రవి కాలే పాత్రలు కీలకంగా కనిపించాయి. సీమ యాసలో పలికిన సంభాషణలు బావున్నాయి. కథపై ఆసక్తిని పెంచడం టీజర్ ముఖ్య ఉద్దేశం. ఈ విషయంలో హరోం హర టీజర్ మంచి మార్కులే పడతాయి. ఈమధ్యకాలంలో పిరియడ్ యాక్షన్ డ్రామాలకు మంచి ఆదరణ అభిస్తోంది. హరోం హర టీజర్ లో ఆ సెటప్ కనిపించింది.