మ‌న హీరోలంద‌రికీ పేరుకు ముందు ఏదో ఓ బిరుదు త‌గిలించుకోవ‌డం అల‌వాటు. ఒక‌వేళ వాళ్ల‌కు ఇష్టం లేక‌పోయినా, ఫ్యాన్సూ, ద‌ర్శ‌కులు, నిర్మాత‌లూ త‌గిలించేస్తుంటారు. సుధీర్ బాబుకీ ఓ బిరుదు ఉంది. నైట్రో స్టార్ అని! చాలా సినిమాల్లో ‘నైట్రో స్టార్ సుధీర్ బాబు’ అనే టైటిల్ ప‌డింది. అయితే… ‘హరోం హ‌ర‌’ సినిమా వ‌ర‌కూ సుధీర్ బాబు బిరుదు మారిపోయింది. ‘యువ ద‌ళ‌ప‌తి’ అనే పేరుతో సుధీర్ బాబుని పిల‌వ‌బోతున్నారు. ఈ సినిమా టైటిల్ కార్డ్స్ లో `యువ ద‌ళ‌ప‌తి` అంటూ సుధీర్‌ని ప‌రిచ‌యం చేయ‌బోతున్నారు.

సుధీర్ బాబు కొత్త సినిమా ‘హ‌రోం హ‌ర‌’. జ్ఞాన‌సాగ‌ర్ ద్వార‌క ద‌ర్శ‌కుడు. ఈనెల 31న విడుద‌ల కావాల్సిన సినిమా ఇది. జూన్ 14కు వాయిదా ప‌డింది. ట్రైల‌ర్‌, టీజ‌ర్ ఆసక్తిక‌రంగా ఉన్నాయి. టైటిల్ సాంగ్ కూడా హిట్ట‌య్యింది. ఈ సినిమాతో ఇంకేదైనా కొత్త‌గా చేయాలి అని ద‌ర్శ‌కుడు జ్ఞాన‌సాగ‌ర్ కు అనిపించింద‌ట‌. అందుకే సుధీర్ బాబు బిరుదు మార్చేశారు. విజ‌య్‌ని అంతా ద‌ళ‌ప‌తి అంటుంటారు. ఇప్పుడు ఇక‌పై తెలుగు ద‌ళ‌ప‌తి.. సుధీర్ అన్న‌మాట‌. ఈ సినిమా హిట్ట‌యితే… ఇక‌పై సుధీర్‌ని ఈ పేరుతోనే పిలుస్తారేమో!