ప్రేమకథల్లో మంచి నైపుణ్యం కలిగిన దర్శకుడు సుకుమార్.. ఆర్య నుండి ఆర్య-2 వరకు సుకుమార్ ప్రేమకథ తీస్తున్నానడంటే చాలు దానికి చాలా ప్రాముఖ్యత ఉండేలా చూసుకుంటాడు. యువతలో కూడా సుకుమార్ నుండి సినిమా అంటే కచ్చితంగా ప్రేమకథనే ఆశిస్తారు. ఎప్పటినుండే సంగీత దర్శకుడు దేవి శ్రీ ప్రసాద్ హీరోగా రావాలనే ఎదురుచూస్తున్నాడు. సరైన సమయం కోసం ఎదురు చూసిన దేవి ఆ సమయం ఆసన్నమైందని గమనించి సుకుమార్ దర్శకత్వంలో మూవీ చేసేందుకు సిద్ధమయ్యాడు.

దిల్ రాజు నిర్మిస్తున్న ఈ సినిమా ఆర్యలా ఉంటుంది అని ఒకరు అంటుంటే కాదు కాదు మరోలా ఉంటుందని ఇంకొకరు అనుకోవడం మొదలెట్టారు. అయితే సినిమాపై వస్తున్న వార్తలను గమనించిన సుకుమార్.. దేవితో సంగీతానికి సంబందించిన కథతోనే సినిమా తీద్దామనే ఆలోచనలో ఉన్నట్టు సన్నిహితులతో చెప్పాడట. సుక్కు దర్శకత్వంలో దేవి తీసే సినిమా సంగీతానికి సంబందించిన కథా నేపథ్యంతో నడుస్తుంది.

ప్రస్తుతం సుకుమార్ ఎన్టీఆర్ నాన్నకు ప్రేమతో సినిమా మీదే దృష్టి పెట్టాడు. ఆ సినిమా పూర్తయ్యాక కాని దేవి సినిమా గురించి ఆలోచిస్తాడు. నాన్నకు ప్రేమతో సినిమాకు కూడా దేవిశ్రీ ప్రసాద్ సంగీతం అందిస్తున్న సంగతి తెలిసిందే కదా..!