అల్లు అర్జున్ తో రెండు సినిమాలు చేశాడు సుకుమార్‌. ఇప్పుడు మ‌హేష్ బాబుతో త‌న రెండో సినిమా ప‌ట్టాలెక్కించ‌బోతున్నాడు. రామ్‌చ‌రణ్‌తో కూడా ఈ ఫీట్‌ రిపీట్‌… చేయ‌బోతున్న‌ట్టే క‌నిపిస్తోంది. సాధార‌ణంగా ఓ హిట్టు కొట్ట‌గానే.. ఆ కాంబినేష‌న్‌ని మ‌రోసారి చూడాల‌నుకుంటారు ప్రేక్షకులు. ఆ కాంబో క్రేజ్ కూడా ఆస్థాయిలోనే ఉంటుంది. ‘రంగ‌స్థ‌లం’ లాంటి సూప‌ర్ డూప‌ర్ హిట్ త‌ర‌వాత‌.. మ‌ళ్లీ ఆ కాంబో రిపీట్ అవ్వ‌డంలో ఆశ్చ‌ర్యం లేదు కూడా. అందుకే ‘రంగ‌స్థ‌లం’ వంద రోజుల వేడుక‌లో `నీతో మ‌ళ్లీ మ‌ళ్లీ ప‌నిచేయాల‌ని వుంది చెర్రీ` అంటూ సుక్కు త‌న మ‌న‌సులోని మాట బ‌య‌ట‌పెట్టాడు. చ‌ర‌ణ్ కూడా ‘క‌థ తొంద‌ర‌గా చెప్పు మ‌రి’ అంటూ గ్రీన్ సిగ్న‌ల్ ఇచ్చేశాడు. ఇదేం స్టేజీ పై షో చేయ‌డానికి చెప్పిన మాట‌క ఆదు.. నిజంగానే ఈ కాంబో రిపీట్ చేయ‌డానికి అటు చ‌ర‌ణ్‌, ఇటు సుకుమార్ చొర‌వ చూపిస్తున్నారు. ‘రంగ‌స్థ‌లం’ క‌థ చెప్ప‌డానికి ముందే.. సుకుమార్ చ‌ర‌ణ్ కోసం రెండు మూడు క‌థ‌లు సిద్ధం చేశాడు. ‘రంగ‌స్థ‌లం’ క‌థ ఓకే కాక‌పోతే… మిగిలిన క‌థ‌లు చెప్పి ఓకే చేయించుకుందామ‌నుకున్నాడు. కానీ ఆ ఆవస‌రం లేకుండానే తొలి సిట్టింగ్‌లోనే ‘రంగ‌స్థ‌లం’ క‌థ ఓకే అయ్యింది. అప్పుడు మిగిలిపోయిన ఆ క‌థ‌ల్లో.. ఒక‌టి ఇప్పుడు ప‌ట్టాలెక్కే అవ‌కాశం ఉంది. అయితే ఇప్పుడు ఇటు చ‌ర‌ణ్‌, అటు సుక్కు ఇద్ద‌రూ బిజీనే. కాస్త ఖాళీ దొరికినా… ఆ గ్యాప్‌లో ఈ సినిమా ప‌ట్టాలెక్క‌డం ఖాయం.