ఈత‌రంలో పూరి జ‌గ‌న్నాథ్ నుంచి ఎక్కువ‌మంది ద‌ర్శ‌కులు వ‌చ్చారు. త‌న శిష్యుల్ని.. ద‌ర్శ‌కులుగా చూసి మురిసిపోవ‌డం పూరికి ఇష్టం. సుకుమార్ కూడా అదే బాట‌లో న‌డుస్తున్నాడు. కుమారి 21 ఎఫ్, ద‌ర్శ‌కుడు, ఉప్పెన సినిమాల‌తో త‌న శిష్యుల‌ను ద‌ర్శ‌కులుగా మార్చాడు. ఇప్పుడు మ‌రో శిష్యుడ్ని ప్ర‌మోట్ చేస్తున్నాడు. కార్తికేయ క‌థానాయ‌కుడిగా… సుకుమార్ రైటింగ్స్ లో ఓ సినిమా మొద‌లు కానుంది. దీనికి సుకుమార్ నిర్మాత‌. క‌థ‌, స్క్రీన్ ప్లేకూడా త‌నే అందిస్తున్నారు. ద‌ర్శ‌క‌త్వ బాధ్య‌త‌ల్ని త‌న శిష్యుడికి అప్ప‌గించ‌నున్నారు. త‌న పేరు త్వ‌ర‌లోనే ప్ర‌క‌టిస్తారు. న‌వంబ‌రు నుంచి చిత్రీక‌ర‌ణ మొద‌ల‌వుతుంది. క‌థానాయిక‌, ఇత‌ర సాంకేతిక నిపుణుల వివ‌రాలు త్వ‌ర‌లోనే ప్ర‌క‌టిస్తారు.