సుకుమార్ రైటింగ్స్ సంస్థ నుంచి.. త‌న శిష్యుల్ని ద‌ర్శ‌కులుగా ప‌రిచ‌యం చేస్తున్నాడు సుకుమార్‌. అందులో భాగంగానే కార్తీక్ దండు చేత మెగా ఫోన్ ప‌ట్టిస్తున్నాడు. ఈ చిత్రంలో సాయిధ‌ర‌మ్ తేజ్ క‌థానాయ‌కుడిగా న‌టిస్తున్నాడు. సుకుమార్ తో పాటు ‌ బీవీఎస్ఎన్‌.ప్ర‌సాద్ నిర్మాత‌గా వ్య‌వ‌హ‌రిస్తారు.
ఈ చిత్రానికి సుకుమార్ స్క్రీన్ ప్లే అందించ‌డం విశేషం. ఇదో మిస్టీక్ థ్రిల్ల‌ర్ అని చిత్ర‌బృందం చెబుతోంది.

ఎనౌన్స్‌మెంట్ పోస్ట‌ర్ లో ‘సిద్ధార్థి నామ సంవత్సరే, బృహ‌స్ప‌తిః సింహరాశౌ స్థిత న‌మ‌యే, అంతిమ పుష్క‌రే’ అని సంస్కృతంలోని వాక్యంతో పాటు ష‌ట్‌చ‌క్రంలో ఓ క‌న్ను చూపిస్తున్నారు. అస‌లు ఈ క‌న్ను, ష‌ట్‌చ‌క్రం, సంస్కృత వాక్యం.. వీటితోనే క‌థ ముడి ప‌డి ఉంద‌ట‌. ప్ర‌స్తుతం క‌థానాయిక కోసం అన్వేష‌ణ జ‌రుగుతోంది. మిగిలిన న‌టీన‌టులు, సాంకేతిక నిపుణుల వివ‌రాలు త్వ‌ర‌లో ప్ర‌క‌టిస్తారు.