బాక్సాఫీసు ద‌గ్గ‌ర సల్మాన్ ఖాన్ దూసుకుపోతున్నాడు. రికార్డు వ‌సూళ్ల‌తో ప్ర‌భంజ‌నం సృష్టిస్తున్నాడు. సుల్తాన్ దెబ్బ‌కు గ‌త రికార్డుల‌న్నీ ఎగిరిపోతున్నాయి. తాజాగా స‌ల్మాన్ ఖాన్‌ సుల్తాన్ ఎఫెక్ట్ బాహుబ‌లిపై ప‌డింది. బాహుబలి తొలి రోజు వ‌సూళ్ల‌లో ఆల్ ఇండియా నెంబ‌ర్ వ‌న్‌గా ఉంటే… ఆ స్థానాన్ని బీట్ చేయ‌లేక‌పోయిన సుల్తాన్ తొలి వారం వ‌సూళ్ల‌లో మాత్రం బాహుబ‌లిని దాటేసింది. తొలివారం ప్ర‌పంచ వ్యాప్తంగా బాహుబ‌లి రూ.185 కోట్లు సాధిస్తే… సుల్తాన్ రూ.200 కోట్ల‌తో బాహుబ‌లి రికార్డు చెరిపివేసింది. ఓవ‌రాల్ వ‌సూళ్ల‌లో నెంబ‌ర్ వ‌న్‌గా ఉన్న పీకే రికార్డుల్ని కొట్టాల‌న్న ఆశ‌యంతో స‌ల్మాన్ సుల్తాన్ దూసుకెళ్తున్నాడు. ఆ మ్యాజిక్ ఫిగ‌ర్‌ని చేరుకోవ‌డం సుల్తాన్‌కి కాస్త క‌ష్ట‌మే అయినా.. రెండో స్థానంలో ఉన్న బాహుబ‌లిని అందుకోవ‌డం మాత్రం సుల‌భ‌మే. కాబట్టి టాప్ 2లో ఉన్న బాహుబ‌లిని సుల్తాన్ 3కి నెట్టేసే ఛాన్సులు పుష్క‌లంగా క‌నిపిస్తున్నాయి. అయినా స‌రే… తెలుగు సినీ అభిమానులు కంగారు ప‌డాల్సిన ప‌నిలేదు. బాహుబ‌లి 2 రాబోతోంది క‌దా?? ఇప్పుడు సుల్తాన్ సాధించిన రికార్డుల‌న్నీ.. బాహుబ‌లి 2 అధిగ‌మించాల‌ని కోరుకొందాం.