సందీప్ కిష‌న్ – త్రినాథ‌రావు న‌క్కిన కాంబినేష‌న్‌లో ఓ చిత్రం రూపుదిద్దుకొంటున్న సంగ‌తి తెలిసిందే. రాజేష్ దండా నిర్మాత. ఈ చిత్రానికి మాజాకా అనే పేరు ఖ‌రారు చేశారు. ఈరోజు టైటిల్ రివీల్ చేయ‌డంతో పాటుగా, ఫ‌స్ట్ లుక్ కూడా విడుద‌ల చేశారు. పెళ్లి కొడుకు గెట‌ప్ లో.. సందీప్ కిష‌న్ ద‌ర్శ‌న‌మిచ్చాడు. చుట్టూ పెళ్లి హ‌డావుడి కనిపిస్తోంది. ‘మ‌జాకా’ టైటిల్ మాసీగా ఉంటే.. లుక్ మాత్రం సింపుల్ గా, కూల్‌గా అనిపిస్తోంది. రావు ర‌మేష్ కీల‌క పాత్ర పోషిస్తున్నారు. సందీప్ – రావు ర‌మేష్‌ల కాంబో, వాళ్ల కెమిస్ట్రీ ఈ చిత్రానికి ప్ర‌ధాన ఆక‌ర్ష‌ణ. ‘మ‌న్మ‌థుడు’ ఫేమ్ అన్షు.. రావు ర‌మేష్ కి జోడీగా న‌టిస్తుండ‌డం విశేషం.
ధ‌మాకా త‌ర‌వాత న‌క్కిన త్రినాథ‌రావు నుంచి వ‌స్తున్న సినిమా ఇది. ‘ధ‌మాకా’ వంద కోట్లు కొట్టింది. న‌క్కిన త్రినాథ‌రావు క‌థ‌ల‌న్నీ వినోదాత్మ‌కంగా సాగుతాయి. ఇప్పుడు కామెడీ చిత్రాల‌కు మంచి గిరాకీ ఏర్ప‌డింది. దాంతో ‘మ‌జాకా’ సినిమాకి ప్రీ రిలీజ్ బిజినెస్ బాగానే జ‌రిగింది. ఓటీటీ, శాటిలైట్ రూపంలోనే దాదాపుగా రూ.23 కోట్లు కొల్ల‌గొట్టింది. సందీప్ కిష‌న్ సినిమాల్లో ఇది రికార్డు. రాజేష్ దండా నుంచి వ‌చ్చిన ‘సామ‌జ‌వర‌గ‌మ‌న’ మంచి హిట్ట‌య్యింది. ఆ మైలేజీ ఈ సినిమాకు బాగా ప్ల‌స్ అయ్యింది.
